હવે ભારતમાં જ બનશે Brahmos Missile, રાજનાથ સિંહે Production Unitનું કર્યું ઉદ્ઘાટન

પાકિસ્તાન સાથે વધતા લશ્કરી તણાવ વચ્ચે, રવિવારે લખનૌમાં ઉત્તર પ્રદેશ ડિફેન્સ ઇન્ડસ્ટ્રિયલ કોરિડોર ખાતે સંરક્ષણ પ્રધાન રાજનાથ સિંહે બ્રહ્મોસ સુપરસોનિક ક્રુઝ મિસાઇલ ઉત્પાદન એકમનું વર્ચ્યુઅલી ઉદ્ઘાટન કર્યું. આ સુવિધા વાર્ષિક 80 થી 100 મિસાઇલો બનાવવા માટે  સક્ષમ  છે.

300 કરોડ રૂપિયાના ખર્ચે બનેલ, ઉત્પાદન એકમ બ્રહ્મોસ મિસાઇલોનું ઉત્પાદન કરશે, જેની રેન્જ 290 થી 400 કિમી અને મેક 2.8 ની ટોચની ગતિ રહેશે.  ભારત અને રશિયા વચ્ચેના સંયુક્ત સાહસ, બ્રહ્મોસ એરોસ્પેસ દ્વારા વિકસિત, આ મિસાઇલ જમીન, સમુદ્ર અથવા હવામાંથી લોન્ચ કરી શકાય છે અને "ફાયર એન્ડ ફોરગેટ" માર્ગદર્શન પ્રણાલીને અનુસરે છે.

Next Generation BrahMosની વિગતો
લખનૌમાં નવી શરૂ કરાયેલી એરોસ્પેસ ઇન્ટિગ્રેશન અને ટેસ્ટિંગ ફેસિલિટીમાંથી, વાર્ષિક 80 થી 100 બ્રહ્મોસ મિસાઇલોનું ઉત્પાદન કરવામાં આવશે. આ ઉપરાંત, દર વર્ષે 100 થી 150 Next Generation BrahMos મિસાઇલોનું ઉત્પાદન પણ કરવામાં આવશે.

Next Generation BrahMos એક વર્ષની અંદર તૈયાર થઈ જશે અને પહોંચાડવામાં આવશે.

અત્યાર સુધી, સુખોઈ જેવા ફાઇટર જેટ ફક્ત એક જ બ્રહ્મોસ મિસાઇલ લઈ જઈ શકે છે. જો કે, તેઓ હવે ત્રણ Next Generation BrahMos મિસાઇલો લઈ જઈ શકશે.

Next Generation BrahMos મિસાઇલની સ્ટ્રાઇક રેન્જ 300 કિલોમીટરથી વધુ હશે અને તેનું વજન 1,290 કિલોગ્રામ હશે, જે વર્તમાન બ્રહ્મોસ મિસાઇલના વજન  2,900 કિલોગ્રામ ની સરખામણીએ ઘણું ઓછું છે. 

ઉત્પાદન એકમની જાહેરાત 2018 ગ્લોબલ ઇન્વેસ્ટર્સ સમિટ દરમિયાન વડા પ્રધાન નરેન્દ્ર મોદી દ્વારા શરૂ કરાયેલ સંરક્ષણ ઔદ્યોગિક કોરિડોર પહેલના ભાગ રૂપે કરવામાં આવી હતી. 2021 માં શિલાન્યાસ કરવામાં આવ્યો હતો.