યૌન ઉત્પીડન કેસમાં રાજ્યપાલની તપાસ કરાવશે મમતા સરકાર, SITની કરી દીધી રચના

પશ્ચિમ બંગાળના રાજ્યપાલ સીવી આનંદ બોઝ પર રાજભવનના જ એક કર્મચારીએ જાતીય સતામણીનો આરોપ લગાવ્યો છે. મમતા બેનર્જી સરકારે પણ આ મામલે તાત્કાલિક પગલાં લઈને તપાસ ટીમની રચના કરી છે. જણાવી દઈએ કે રાજ્યપાલે આરોપોને નકારી કાઢતા તેમણે એન્જિનિયર્ડ નેરેટિવ ગણાવ્યું હતું અને કહ્યું હતું કે કોઈ તેમને બદનામ કરીને ચૂંટણીમાં ફાયદો ઉઠાવવા માંગે છે.

રાજભવનના કર્મચારીની છેડતીના આરોપોનો સામનો કરી રહેલા પશ્ચિમ બંગાળના ગવર્નર સીવી આનંદ બોઝે શુક્રવારે વિશ્વાસ વ્યક્ત કર્યો હતો કે, આ કેસમાં સત્ય બહાર આવશે અને અંતમાં તેમની જીત થશે. રાજ્યપાલ શુક્રવારે કેરળમાં હતા. તેમણે તેમના પર લાગેલા આરોપોને વાહિયાત ગણાવતા કહ્યું કે, તેમની અને મુખ્યમંત્રી મમતા બેનર્જી વચ્ચે કોઈ અણબનાવ નથી, તેમની વચ્ચે મૈત્રીપૂર્ણ સંબંધો છે.

રાજ્યપાલે એ વાતનો પણ સંકેત આપ્યો કે તમામ મુદ્દાઓ તેમના (બેનર્જી) પક્ષના વરિષ્ઠ નેતા દ્વારા ઘડવામાં આવ્યા હતા. બોસે એમ પણ કહ્યું હતું કે તે કોણ છે તે જાણવાનો પ્રયાસ કર્યો નથી. તેણે ન્યૂઝ ચેનલોને કહ્યું, 'હું કેરળના લોકોને માથું ઊંચું રાખીને અને સાહસપૂર્વક બતાવી રહ્યો છું કે, અંતે જીત મારી જ થશે.'