પૂર્વ કેન્દ્રીય મંત્રી સુખદેવસિંહ ઢીંડસાનું 89 વર્ષની વયે નિધન

પૂર્વ કેન્દ્રીય મંત્રી અને શિરોમણી અકાલી દળ (ટકસાલી) ના વરિષ્ઠ નેતા સુખદેવસિંહ ઢીંડસાનું નિધન થયું છે, જેના કારણે રાજકીય જગતમાં શોકનું વાતાવરણ છે. તેમણે 89 વર્ષની વયે મોહાલીની એક ખાનગી હોસ્પિટલમાં અંતિમ શ્વાસ લીધા હતા. તેઓ છેલ્લા કેટલાક સમયથી બીમાર હતા.

સુખદેવસિંહ ઢીંડસા પહેલા શિરોમણી અકાલી દળમાં હતા. તેઓ લાંબા સમય સુધી અકાલી દળના સંરક્ષક હતા. ઢીંડસાએ શિરોમણી અકાલી દળ (ટકસાલી)ની રચના કરી અને બાદમાં ફરીથી તેમના પક્ષને શિરોમણી અકાલી દળમાં ભેળવી દીધો.

સુખદેવસિંહ ઢીંડસા અટલ સરકારમાં મંત્રી હતા

સુખદેવસિંહ ઢીંડસા પંજાબની સંગરુર બેઠક પરથી લોકસભા ચૂંટણી જીતી ગયા હતા. તેઓ અટલ બિહારી વાજપેયીની સરકારમાં કેન્દ્રીય રમતગમત મંત્રી રહી ચૂક્યા છે. તેમને 3 દિવસ પહેલા હોસ્પિટલમાં દાખલ કરવામાં આવ્યા હતા.

સુખબીર સિંહ બાદલે X પર પોસ્ટ કરીને શોક વ્યક્ત કર્યો

એસએડીના વડા સુખબીરસિંહ બાદલે X પર પોસ્ટ કરીને સુખદેવસિંહ ઢીંડસાના નિધન પર શોક વ્યક્ત કર્યો. તેમણે કહ્યું કે સરદાર સુખદેવસિંહ ઢીંડસા સાહેબના નિધનથી મન ખૂબ જ દુઃખી છે. ઢીંડસા સાહેબે શિરોમણી અકાલી દળમાં લાંબા સમય સુધી પંજાબ અને દેશની સેવા કરી  જે હંમેશા યાદ રહેશે. હું વ્યક્તિગત રીતે અને શિરોમણી અકાલી દળ વતી તેમને શ્રદ્ધાંજલિ અર્પણ કરું છું અને ભગવાનને પ્રાર્થના કરું છું કે તેઓ દિવંગત આત્માને તેમના ચરણોમાં સ્થાન આપે અને પરિવારને આ દુઃખ સહન કરવાની શક્તિ આપે.