જમ્મુના ઉદ્યમપુરમાં આતંકીઓ સાથે અથડામણ, એક જવાન શહીદ

જમ્મુ કાશ્મીરના ઉદ્યમપુરમાં શુક્રવારે આતંકીઓ સાથે અથડામણમાં ઘાયલ થયેલો જવાન શહીદ થયો છે. આ અથડામણ ડૂડુ-બસંતગઢ અને ડોડાના ભદ્રવાહમાં સોજધારના જંગલોમાં થઇ હતી.શુક્રવાર સાંજે સેના અને સ્પેશ્યલ ઓપરેશન ગ્રુપે વિસ્તારમાં સર્ચ ઓપરેશન ચલાવ્યું હતું. આ દરમિયાન જૈશના 2-3 આતંકીઓએ સુરક્ષાદળો પર ફાયરિંગ કર્યું હતું.

અથડામણના વિસ્તારને આખી રાત ઘેરાબંધીમાં રાખવામાં આવ્યો છે. શનિવાર સવારથી ફરી સર્ચ ઓપરેશન શરૂ કરવામાં આવ્યું હતું. ઉદ્યમપુર અને ડોડા બન્ને તરફથી ડ્રોન અને શ્વાનથી લેન્સ ફોર્સ આતંકીઓની તપાસમાં મોકલવામાં આવી છે. આતંકીઓને શોધવા માટે એક ઓપરેશન કિશ્તવાડમાં પણ ચલાવવામાં આવ્યું છે જ્યાં શુક્રવાર રાતથી આતંકીઓ અને સુરક્ષાદળો વચ્ચે અથડામણ ચાલુ છે.

કુલગામ એન્કાઉન્ટરમાં શહીદ થયા હતા 2 જવાન

આ પહેલા 8 સપ્ટેમ્બરે કુલગામમાં ઓપરેશન ગુડ્ડર દરમિયાન થયેલા એન્કાઉન્ટરમાં પણ 2 જવાન શહીદ થયા હતા. આ અથડામણમાં લશ્કર-એ-તૈયબાના 2 આતંકી ઠાર મરાયા હતા.