ચૂંટણી પંચ: 16 રાજ્યો અને 3 કેન્દ્રશાસિત પ્રદેશમાં SIRની પ્રક્રિયા હાથ ધરાશે, જાણો ક્યારથી થશે શરૂ

ગુજરાત સહિતના ઘણાં રાજ્યોમાં SIRની પ્રક્રિયા પૂર્ણ થઈ ચૂકી છે ત્યારે ચૂંટણી પંચે હવે ત્રીજા તબક્કામાં વધુ 16 રાજ્યો અને 3 કેન્દ્રશાસિત પ્રદેશમાં SIRની પ્રક્રિયા હાથ ધરવા માટે આદેશ જાહેર કરી દીધો છે. ભારતીય ચૂંટણી પંચ (ECI) દ્વારા જારી કરાયેલ અખબારી યાદી મુજબ, SIR Phase-III ની કામગીરી વસ્તી ગણતરીના હાઉસ લિસ્ટિંગ કાર્યને ધ્યાનમાં રાખીને નક્કી કરવામાં આવી છે. 

કુલ મતદારો: આ તબક્કામાં આશરે 36.73 કરોડ મતદારોને આવરી લેવામાં આવશે.

બૂથ લેવલ ઓફિસર (BLOs): 3.94 લાખથી વધુ BLOs ઘરે-ઘરે જઈને આ કામગીરી કરશે.

રાજકીય પક્ષોની ભૂમિકા: રાજકીય પક્ષો દ્વારા નિમવામાં આવેલા 3.42 લાખથી વધુ બૂથ લેવલ એજન્ટ્સ (BLAs) આ પ્રક્રિયામાં મદદ કરશે.

અગાઉના તબક્કા: પ્રથમ બે તબક્કામાં 13 રાજ્યો/UT ના આશરે 59 કરોડ મતદારોને આવરી લેવામાં આવ્યા હતા

SIR Phase-III હેઠળ આવરી લેવાયેલા રાજ્યો અને કેન્દ્રશાસિત પ્રદેશોની યાદી

ચૂંટણી પંચના ડેટા મુજબ, નીચેના 16 રાજ્યો અને 3 કેન્દ્રશાસિત પ્રદેશોમાં આ અભિયાન ચલાવવામાં આવશે. આ તબક્કામાં હિમાચલ પ્રદેશ, જમ્મુ અને કાશ્મીર તથા લદ્દાખ સિવાયના બાકીના વિસ્તારોને આવરી લેવામાં આવશે. બરફ વર્ષા અને હવામાનની સ્થિતિને કારણે આ ત્રણ પ્રદેશો માટેનું શેડ્યૂલ પછીથી જાહેર કરવામાં આવશે.