બદમાશો એરપોર્ટ પર પાર્ક કરેલ હેલિકોપ્ટર ચોરી ગયા, પોલીસે શરુ કરી તપાસ

મેરઠના એરપોર્ટ પર હેલિકોપ્ટર લૂંટાયાના સમાચારે ઇન્ટરનેટ પર હલચલ મચાવી દીધી છે. ફરિયાદીએ પોલીસમાં ફરિયાદ નોંધાવી છે. પોલીસ આ કેસની તપાસ કરી રહી છે.

ઉત્તર પ્રદેશના મેરઠ જિલ્લામાં પહેલીવાર હેલિકોપ્ટર લૂંટનો મામલો સામે આવ્યો છે. પરતાપુર એરસ્ટ્રીપ વિસ્તારમાં પોલીસને ફરિયાદ મળી હતી કે 10 મેના રોજ કેટલાક બદમાશોએ હેલિકોપ્ટર લૂંટી લીધું હતું. બદમાશોએ પાયલોટ અને સ્થાનિક કર્મચારીઓની મારપીટ કરી અને હેલિકોપ્ટરના ભાગો કાઢીને એક ટ્રકમાં ભરી દીધા.

જ્યારે આ મામલો સામે આવ્યો ત્યારે SSP વિપિન ટાડાએ સંજ્ઞાન લીધું અને બ્રહ્મપુરીના પોલીસ ઈન્સ્પેક્ટરને તપાસની જવાબદારી સોંપી.

મીડિયા રિપોર્ટ્સ અનુસાર, હેલિકોપ્ટરના કેપ્ટન રવિન્દરે પોલીસને જણાવ્યું કે તેમની કંપનીના હેલિકોપ્ટર - tvBBને મેરઠ એરસ્ટ્રીપ પર જાળવણી માટે મોકલવામાં આવ્યું હતું. આ ઘટના 10 મે 2024 ના રોજ બની હતી, જ્યારે ત્યાંના મિકેનિકે ફોન કરીને જાણ કરી હતી કે કેટલાક લોકોએ પાયલોટ અને સુરક્ષા કર્મચારીઓને માર માર્યો હતો અને તેના ભાગો છીનવી લીધા હતા.

ફરિયાદમાં કહેવામાં આવ્યું છે કે 10 મે 2024ના રોજ 10-15 લોકોએ મેરઠના ડૉ. ભીમરાવ આંબેડકર એરસ્ટ્રીપ પર જબરદસ્તી કરી હતી. જ્યારે પાયલોટ અને સ્થાનિક કર્મચારીઓએ વિરોધ કર્યો તો લૂંટારાઓએ તેમને માર માર્યો.

જો કે, સવાલ એ પણ ઉઠી રહ્યો છે કે જો હેલિકોપ્ટર લૂંટની ઘટના બની હતી તો 3 મહિના પછી ફરિયાદ કેમ દાખલ કરવામાં આવી, તે અંગે પણ પોલીસ તપાસ કરી રહી છે.