BMC ચૂંટણી માટે કરાઈ જાહેરાત, જાણો મતદાન તારીખ અને પરિણામ દિવસ

મુંબઈ મ્યુનિસિપલ કોર્પોરેશનની ચૂંટણીઓ અંગે મોટા સમાચાર સામે આવ્યા છે. રાજ્ય ચૂંટણી પંચે સોમવારે જાહેરાત કરી છે કે,  મુંબઈ મ્યુનિસિપલ કોર્પોરેશન (BMC) અને અન્ય 28 મ્યુનિસિપલ કોર્પોરેશનોની ચૂંટણીઓ 15 જાન્યુઆરી, 2026ના રોજ યોજાશે. આ ચૂંટણી બાદ મતગણતરી 16 જાન્યુઆરી, 2026ના રોજ થશે. રાજ્ય ચૂંટણી પંચની આ જાહેરાત મુંબઈમાં કથિત 'મત ચોરી' અંગે વધતા રાજકીય વિવાદ વચ્ચે આવી છે, જેમાં વિપક્ષોનો દાવો છે કે, મ્યુનિસિપલ ચૂંટણીઓ પહેલા નકલી અને ડુપ્લિકેટ મતદારોના નામ મતદાર યાદીમાં ઉમેરવામાં આવ્યા છે.

રાજ્ય ચૂંટણી પંચના જણાવ્યા અનુસાર, રાજ્યમાં મ્યુનિસિપાલિટીની ચૂંટણીમાં કુલ  3 કરોડ 48 લાખ મતદારો છે. રાજ્ય ચૂંટણી કમિશનર દિનેશ વાઘમારે અને રાજ્ય ચૂંટણી કમિશનર સચિવ સુરેશ કાકાણીએ જણાવ્યું હતું કે 

નામાંકન:23 ડિસેમ્બરથી 30 ડિસેમ્બર, 2025
નામાંકન ચકાસણી: 31 ડિસેમ્બર, 2025
નામાંકન પત્ર પાછું ખેંચવાની તારીખ  2 જાન્યુઆરી, 2026
પ્રતીક ફાળવણી:3 જાન્યુઆરી,2026
મતદાન: 15 જાન્યુઆરી, 2026
ગણતરી: 16 જાન્યુઆરી, 2026

નોંધનીય છે કે મુંબઈ મ્યુનિસિપલ કોર્પોરેશનના કાઉન્સિલરોનો કાર્યકાળ 7 માર્ચ 2022 ના રોજ સમાપ્ત થયો હતો. ત્યારથી શહેરનો વહીવટ વહીવટકર્તાઓના હાથમાં છે. હવે લગભગ સાડા ત્રણ વર્ષ પછી મુંબઈ મ્યુનિસિપલ કોર્પોરેશનની ચૂંટણીઓ શરૂ થઈ છે.

BMC એ મતદાર યાદી સાફ કરવાની પ્રક્રિયા શરૂ કરી છે, જ્યારે શિવસેના (UBT) એ એક સાથે તમામ ૨૨૭ મ્યુનિસિપલ વોર્ડમાં ગ્રાઉન્ડ-લેવલ ચકાસણી ઝુંબેશ શરૂ કરી છે. શિવસેના (UBT)ના નેતાઓનો દાવો છે કે તેમના કાર્યકરોએ હજારો નકલી અને ડુપ્લિકેટ મતદાતાઓને ઓળખી કાઢ્યા છે. તેમની દલીલ છે કે આવી અનિયમિતતાઓ ચૂંટણી પરિણામો પર નોંધપાત્ર અસર કરી શકે છે, જે દેશની નાણાકીય રાજધાનીના રાજકીય અને નાણાકીય નિયંત્રણનો નિર્ણય લેશે.

પાર્ટીનું કહેવું છે કે ઘણા લાંબા સમયથી રહેતા સ્થાનિકો અને ખાસ કરીને મરાઠી મતદારોને ખોટી રીતે 'ડુપ્લિકેટ' તરીકે ચિહ્નિત કરવામાં આવ્યા હતા, જેનાથી તેમના મતદાન અધિકારોને જોખમ ઉભું થઈ શકે છે.