રાજસ્થાનની પાલિકા, પરિષદ, નિગમોમાં ભાજપની જીત, કોંગ્રેસનું નિરાશાજનક પરિણામ

રાજસ્થાનમાં શહેરી સ્થાનિક સ્વરાજ્યની ચૂંટણીનું ચિત્ર હવે સ્પષ્ટ થઈ ગયું છે. રાજ્યની 309 સ્થાનિક સંસ્થાઓમાંથી 301ના પરિણામો જાહેર થઈ ચૂક્યા છે, જેમાં ભારતીય જનતા પાર્ટી(BJP)એ જબરદસ્ત સરસાઈ મેળવીને 199 સંસ્થાઓમાં પોતાનું બોર્ડ બનાવ્યું છે. જ્યારે કોંગ્રેસે 94 સંસ્થાઓમાં બોર્ડ બનાવ્યા છે. બંને પક્ષો વચ્ચે 105 સંસ્થાઓનું મોટું અંતર જોવા મળ્યું છે અને હવે માત્ર 8 સંસ્થાઓના પરિણામો બાકી છે.

નગર નિગમ (કુલ 10 બેઠકો)

• ભાજપ: 6
• કોંગ્રેસ: 1
• અન્ય / અપક્ષ: 0
• કુલ જાહેર: 7
• બાકી: 3

નગર પરિષદ (કુલ 47 બેઠકો)

• ભાજપ: 31
• કોંગ્રેસ: 13
• અન્ય / અપક્ષ: 2
• કુલ જાહેર: 46
  બાકી: 1

નગર પાલિકા (કુલ 252 બેઠકો)

• ભાજપ: 162
• કોંગ્રેસ: 80
• અન્ય / અપક્ષ: 6
• કુલ જાહેર: 248
• બાકી: 4

કુલ સ્થાનિક સંસ્થાઓ (કુલ 309 બેઠકો)

• ભાજપ: 199 બોર્ડ
• કોંગ્રેસ: 94 બોર્ડ
• અન્ય / અપક્ષ: 8 બોર્ડ
• કુલ જાહેર પરિણામો: 301
• બાકી પરિણામો: 8

મેયર પદની ચૂંટણીમાં ભાજપનો દબદબો

રાજ્યના 7 નગર નિગમોમાં મેયર પદની ચૂંટણી યોજાઈ ચૂકી છે, જેમાં ભાજપે 6 જગ્યાએ પોતાના મેયર બનાવવામાં સફળતા મેળવી છે. ભાજપે અજમેર, ઉદયપુર, અલવર, પાલી, ભરતપુર અને ભીલવાડામાં મેયર પદ કબજે કર્યું છે. જ્યારે કોંગ્રેસ માત્ર બિકાનેરમાં પોતાનો એક મેયર બનાવી શકી છે.

સ્થાનિક સમીકરણો અને અપક્ષોનું સમર્થન

વૉર્ડ સ્તરે સ્પષ્ટ બહુમતી ન હોવા છતાં ભાજપે અપક્ષો અને અન્ય પક્ષોના ટેકાથી પરિણામો પોતાના પક્ષમાં કર્યા હતા. અજમેર અને પાલીમાં વૉર્ડ ચૂંટણીમાં કોંગ્રેસ પાસે વધુ પાર્ષદો હોવા છતાં ભાજપે મેયર પદ મેળવ્યું હતું. આ ઉપરાંત, બારાં નગર પરિષદમાં આમ આદમી પાર્ટીના ઉમેદવાર વિજેતા બનતા ત્યાં આપનું પ્રથમ બોર્ડ બન્યું છે.

ત્રણ મોટા શહેરોનું પરિણામ હજુ બાકી

રાજ્યના કુલ 10 નગર નિગમોમાંથી 3 મહત્વના શહેરો - જયપુર, જોધપુર અને કોટામાં મેયર પદની ચૂંટણી 25 સપ્ટેમ્બરના રોજ યોજાશે. આ વિસ્તારોના કેટલાક વોર્ડમાં પુનઃ મતદાન થવાના કારણે પ્રક્રિયા લંબાઈ છે. હાલ માત્ર 3 નગર નિગમ, 1 નગર પરિષદ અને 4 નગર પાલિકા મળીને કુલ 8 સંસ્થાઓના પરિણામ જાહેર થવાના બાકી છે.