Video: રાજધાની દિલ્હી અને NCRમાં વાયુ પ્રદૂષણ વધતા સ્થિતિ ગંભીર, ITO વિસ્તારમાં ધૂંધળા દ્રશ્યો સામે આવ્યા

દિલ્હી-એનસીઆરમાં ઠંડીની શરૂઆત સાથે જ વાયુ પ્રદૂષણની સમસ્યાએ વિકરાળ સ્વરૂપ ધારણ કરી લીધું છે, જેના કારણે લોકોને શ્વાસ લેવામાં પણ તકલીફ પડી રહી છે. સેન્ટ્રલ પોલ્યુશન કન્ટ્રોલ બોર્ડ અનુસાર, શહેરના મુખ્ય વિસ્તારો સહિત આઈટીઓ ખાતે પણ એર ક્વોલિટી ઈન્ડેક્સ જોખમી અને ગંભીર સ્તરે પહોંચી ગયો છે. સવારના સમયે આઈટીઓ ચોક અને આસપાસના વિસ્તારોમાં સ્મોગનું જાડું પડ છવાયેલું જોવા મળ્યું હતું, જેના લીધે વાહનચાલકોને પણ ભારે મુશ્કેલીનો સામનો કરવો પડી રહ્યો છે. નિષ્ણાતોના મતે આગામી દિવસોમાં હવામાનની સ્થિતિ અને પવનની ધીમી ગતિને કારણે પ્રદૂષણમાં હજુ પણ વધારો થવાની શક્યતા છે. ગંભીર બનતી સ્થિતિને ધ્યાનમાં રાખીને તંત્ર દ્વારા જીઆરએપીના નિયમો કડક બનાવવામાં આવ્યા છે અને લોકોને બિનજરૂરી બહાર ન નીકળવા સલાહ આપવામાં આવી છે.