IND vs NZ / બીજી ODI પહેલા ન્યુઝીલેન્ડને મોટો ઝટકો લાગ્યો, ધાકડ ઓપનર આખી સિરીઝમાંથી બહાર થયો
ન્યુઝીલેન્ડને શનિવારે ભારત સામેની બીજી ODI પહેલા મોટો ઝટકો લાગ્યો છે. તેનો ઓપનિંગ બેટ્સમેન ડેવોન કોનવે આખી સિરીઝમાંથી બહાર થઈ ગયો છે. ન્યુઝીલેન્ડ ક્રિકેટે કોનવેના રિપ્લેસમેન્ટની પણ જાહેરાત કરી છે.
કોનવે પહેલી મેચમાં ઈજાને કારણે નહતો રમ્યો. ફિલ્ડિંગ પ્રેક્ટિસ દરમિયાન કોનવે સાથી ખેલાડી મેટ હેનરી સાથે અથડાયો હતો, ત્યારબાદ તેને હોસ્પિટલમાં લઈ જવામાં આવ્યો હતો. કોનવે હજુ સંપૂર્ણપણે સ્વસ્થ નથી થયો અને પરિણામે તે સિરીઝમાંથી બહાર થઈ ગયો છે.
નિક કેલીનો ટીમમાં સમાવેશ
ન્યુઝીલેન્ડે ડાબોડી બેટ્સમેન નિક કેલીને ટીમમાં ઉમેર્યો છે. કેલીને શરૂઆતમાં ફક્ત ચોથી અને પાંચમી મેચ માટે જ ટીમમાં સામેલ કરવામાં આવ્યો હતો. જોકે, કોનવેના બહાર થયા બાદ તેને હવે આખી સિરીઝ માટે સામેલ કરવામાં આવ્યો છે.
દરમિયાન, હેનરીને કનક્શનમાંથી ક્લિયર કરવામાં આવ્યો છે અને બીજી મેચમાં પસંદગી માટે ઉપલબ્ધ રહેશે. હેનરી પણ પહેલી મેચ ચૂકી ગયો હતો, પરંતુ બીજી મેચમાં તેની વાપસી ન્યુઝીલેન્ડની બોલિંગને વધુ મજબૂત બનાવશે.
સિરીઝમાં ન્યુઝીલેન્ડ પાછળ
પાંચ મેચની ODI સિરીઝમાં ન્યુઝીલેન્ડ 0-1થી પાછળ છે. પહેલી મેચમાં ન્યુઝીલેન્ડના બેટ્સમેનોનું પ્રદર્શન નિરાશાજનક રહ્યું હતું. આખી ન્યુઝીલેન્ડ ટીમ માત્ર 185 રનમાં ઓલઆઉટ થઈ ગઈ હતી.
ન્યુઝીલેન્ડનો કોઈ પણ બેટ્સમેન અડધી સદી પણ નહતો ફટકારી શક્યો. ભારત માટે અર્શદીપ સિંહે સૌથી વધુ ચાર વિકેટ લીધી. આ દરમિયાન વિરાટ કોહલીએ શાનદાર અડધી સદી ફટકારી અને માત્ર 51 બોલમાં 74 રન બનાવીને ભારતીય ટીમને 23મી ઓવરમાં વિજય મેળવવામાં અને સિરીઝમાં લીડ મેળવવામાં મદદ કરી.
