Video: ઈજાગ્રસ્તોની સારવાર ચાલુ અને ડીએમ-એસપીએ મુલાકાત લીધી

ઉત્તર પ્રદેશના સીતાપુરમાં મુંડન સંસ્કાર પ્રસંગે ૩૦ શ્રદ્ધાળુઓને લઈને જઈ રહેલી ટ્રેક્ટર-ટ્રોલી અચાનક પલટી જતાં ૫ લોકોના કરુણ મોત નિપજ્યા છે અને ૧૭ લોકો ગંભીર રીતે ઘાયલ થયા છે. અકસ્માતની જાણ થતાં જ ઈજાગ્રસ્તોને તાત્કાલિક સારવાર અર્થે જિલ્લા હોસ્પિટલમાં ખસેડવામાં આવ્યા છે, જ્યારે મૃતદેહોને પોસ્ટમોર્ટમ માટે મોકલવામાં આવ્યા છે. ઘટનાની ગંભીરતાને ધ્યાનમાં રાખીને સીતાપુરના ડીએમ ડૉ. રાજગણપતિ આર. અને એસપી અંકુર અગ્રવાલે અકસ્માત સ્થળની મુલાકાત લઈને બચાવ કામગીરીની સમીક્ષા કરી હતી. આ દુર્ઘટનાને કારણે સ્થાનિક વિસ્તારમાં ભારે શોકની કાલિમા છવાઈ ગઈ છે.