Surendranagar news: આવાસ યોજનાના 500થી વધુ મકાનો ખાલી, આ કારણે લાભાર્થીઓ રહેવા માટે તૈયાર જ નથી

સુરેન્દ્રનગરમાં આવાસ યોજના હેઠળ બનાવવામાં આવેલા 500થી વધુ મકાનોમાં મહાનગરપાલિકા દ્વારા સુવિધાઓના અભાવના કારણે લાભાર્થીઓ રહેવા તૈયાર નથી.આ યોજના હેઠળ બનાવાયેલા મકાનોમાં પીવાનું પાણી, સાફ-સફાઈ અને સ્ટ્રીટ લાઇટ જેવી પાયાની સુવિધાઓ ઉપલબ્ધ નથી, જેના કારણે લાભાર્થીઓએ ભારે નારાજગી વ્યક્ત કરી છે.

મૂળ લાભાર્થીઓએ આ મકાનો ખાલી છોડી દીધા

આ પરિસ્થિતિમાં ઘણા મૂળ લાભાર્થીઓએ આ મકાનો ખાલી છોડી દીધા છે અને તેને ભાડે આપી દેવાની ફરિયાદો પણ સામે આવી છે. જોકે, 500થી વધુ પરિવારો હજુ પણ આ મકાનોમાં રહે છે, પરંતુ સુવિધાઓના અભાવે તેઓ પણ સતત મુશ્કેલીઓનો સામનો કરી રહ્યા છે.

સ્ટ્રીટ લાઇટની અછત

ખાસ કરીને, મહાનગરપાલિકા પીવાનું પાણી પૂરું પાડવામાં નિષ્ફળ રહી છે, જ્યારે સાફ-સફાઈનો પ્રશ્ન પણ ગંભીર બન્યો છે. સ્ટ્રીટ લાઇટની અછતને કારણે રાત્રિના સમયે રહેવું વધુ મુશ્કેલ બની ગયું છે.