Surat/ વીજ કનેક્શન માટે લાંચ માંગનાર સિનિયર ક્લાર્ક અને કોન્ટ્રાક્ટર ACBના છટકામાં ઝડપાયા!
છેલ્લું અપડેટ : 04 Dec 2025
સુરત એ.સી.બી. (ભ્રષ્ટાચાર વિરોધી દળ)ની ટીમે ફરી એકવાર સફળતાપૂર્વક છટકું ગોઠવીને સરકારી વિભાગના એક સિનિયર ક્લાર્ક અને તેની સાથે સંકળાયેલા એક લેબર કોન્ટ્રાક્ટરને લાંચ લેતા રંગેહાથ ઝડપી પાડ્યા છે.
શું હતો સમગ્ર મામલો?
ફરિયાદકર્તાએ પોતાની જમીનમાં કોમર્શિયલ વીજ કનેક્શન લેવા માટે દ.ગુ. વીજ કંપની લિ. (DGVCL)ની કઠોર સબ ડિવિઝનની કચેરી ખાતે અરજી કરી હતી. વીજ મીટર લગાડવા માટે સિનિયર ક્લાર્ક દ્વારા ₹ 700000 ની લાંચની માંગ કરવામાં આવી હતી. લાંચની માંગણી થતાં જ ફરિયાદીએ આ અંગે ACBમાં ફરિયાદ નોંધાવી હતી.
આરોપીઓની ધરપકડ
ફરિયાદ મળતા જ ACBની ટીમે કઠોર સબ ડિવિઝન કચેરી ખાતે છટકું ગોઠવ્યું હતું. લાંચની રકમ સ્વીકારતા જ ACBએ બે આરોપીઓને ઝડપી પાડ્યા હતા.
- સંતોષભાઈ ભગવાનભાઈ સોનવણે: સિનિયર ક્લાર્ક
- ભરતભાઈ રમણીકભાઈ સાવલીયા: લેબર કોન્ટ્રાક્ટર
ACBએ બંને આરોપીઓની ધરપકડ કરીને તેમની સામે કાયદેસરની કાર્યવાહી હાથ ધરી છે. સરકારી કચેરીઓમાં ચાલતા ભ્રષ્ટાચારને નાબૂદ કરવા માટે ACBની આ કાર્યવાહી મહત્વપૂર્ણ માનવામાં આવી રહી છે.
