રામોલ પોલીસ સ્ટેશનના PSI સસ્પેન્ડ, આ મામલે ડીસીપીએ કરી કાર્યવાહી

રામોલમાં રાયોટિંગના ગુનામાં બેદરકારી બદલ ડીસીપી સફીન હસને રામોલ પોલીસ સ્ટેશનના પીએસઆઇને સસ્પેન્ડ કર્યા છે. 

રામોલમાં એપ્રિલ મહિનામાં રાયોટિંગનો ગુનો નોધાયો હતો. જેના એક મહિના બાદ જ હત્યાના પ્રયાસનો બનાવ બન્યો હતો. જેમાં યોગ્ય તપાસ ન થઇ હોવાનું ઇન્ચાર્જ ઝોન-5 ડીસીપી સફીન હસનેના ધ્યાનમાં આવ્યું હતું.  તપાસ કરતા પીએસઆઇ જ્યોતિભાઇ ચારણની બેદરકારી સામે આવતા સસ્પેન્ડ કર્યા છે. જેમાં પીએસઆઇએ તપાસ દરમ્યાન ચાર્જશીટ કરી નહોતી. ઉપરાંત પંચમાં પણ આરોપીઓના પાડોશીઓને જ રાખ્યા હતા. ગુનાની તપાસમાં આરોપીઓની ઓળખ પરેડ કરી ન હતી. તેમજ આરોપીઓના મોબાઈલ ફોન કબ્જે કર્યાં ન હતા. 

તપાસમાં બેદરકારી બદલ PSIને સસ્પેન્ડ કરવામા આવ્યા

આમ તપાસમાં બેદરકારી બદલ PSIને સસ્પેન્ડ કરવામા આવ્યા છે. જો કે તપાસ યોગ્ય કરવામાં આવી હોત તો બીજો બનાવ બન્યો ન હોત. આમ તપાસમાં બેદરકારી થઈ હોવાનું ડીસીપીની તપાસમાં સામે આપ્યું છે.