Morbi/ માળીયા નજીક ટેન્કરમાંથી ડીઝલ ચોરીનું કૌભાંડ ઝડપાયું, ₹36 લાખથી વધુનો મુદ્દામાલ કબજે!

મોરબી જિલ્લાની માળીયા મિયાણા પોલીસે પેટ્રોલિયમ પદાર્થોની ચોરી કરતા એક મોટા કૌભાંડનો પર્દાફાશ કર્યો છે. માળીયા નજીક નાના દહીંસરા ગામ પાસે ટેન્કરમાંથી ગેરકાયદેસર રીતે ડીઝલ ચોરવામાં આવી રહ્યું હતું, જે અંગે પોલીસે દરોડો પાડી એક આરોપીને ઝડપી પાડ્યો છે.

આ પણ વાંચો :

Morbi news: ખનીજ માફિયાના ત્રાસને કારણે ત્રણ યુવકોએ આપઘાતનો પ્રયાસ કર્યો, એકનું મોત

Morbi: 30 વર્ષથી રસ્તો ન બનતાં સ્થાનિકોએ કર્યો ઉગ્ર વિરોધ, સાંસદ- ધારાસભ્ય વિરુદ્ધ લગાવ્યા નારા

રેલવે ફાટક નજીક ચાલતું હતું કૌભાંડ

માળીયા પોલીસને મળેલી બાતમીના આધારે, નવલખી રોડ પર આવેલા નાના દહીંસરા ગામના રેલવે ફાટક પાસે દરોડો પાડવામાં આવ્યો હતો. આ સ્થળે GJ 36 T 7536 નંબરના ટેન્કરમાંથી ડીઝલ ચોરવાનું કૃત્ય ચાલી રહ્યું હતું. પોલીસે ઘટનાસ્થળેથી ટેન્કર ચાલક ઇમ્તિયાઝ સુલેમાન ગજીયાને ઝડપી પાડ્યો હતો. જોકે, તેનો સાગરીત હરદેવ રાણાભાઇ છૈયા પોલીસને જોઈને નાસી છૂટવામાં સફળ રહ્યો હતો.

₹36 લાખનો મુદ્દામાલ કબજે

પોલીસે આ દરોડા દરમિયાન ડીઝલ ચોરીમાં વપરાયેલા ટેન્કર અને અન્ય સાધનો સહિત કુલ ₹36 લાખ 65 હજારની કિંમતનો મુદ્દામાલ કબજે કર્યો છે. માળીયા પોલીસે આરોપી ઇમ્તિયાઝ ગજીયાની ધરપકડ કરી છે અને ફરાર આરોપી હરદેવ છૈયાને ઝડપી પાડવા માટે વધુ તપાસના ચક્રો ગતિમાન કર્યા છે. પોલીસે આ અંગે ગુનો નોંધી ડીઝલ ક્યાંથી આવ્યું હતું અને ક્યાં વેચવાનો પ્લાન હતો તે દિશામાં તપાસ હાથ ધરી છે.