Morbi GIDCમાં દૂધ ગરમ કરવા માટે વપરાતા બોઈલરમાં થયો બ્લાસ્ટ, એક શ્રમિક ઈજાગ્રસ્ત
છેલ્લું અપડેટ : 09 Feb 2026
સોર્સ : GSTV
મોરબી શહેરના GIDC વિસ્તારમાં આવેલી એક ફેક્ટરીમાં આજે દૂધ ગરમ કરવા માટે વપરાતા બોઈલરમાં અચાનક બ્લાસ્ટ થતા સનસનાટી મચી ગઈ હતી. ઓવરહિટીંગના કારણે થયેલા આ ધડાકામાં એક શ્રમિકને ઈજા પહોંચી હોવાનું સામે આવ્યું છે.
પ્રાથમિક માહિતી અનુસાર, ફેક્ટરીમાં દૂધને પ્રોસેસ કરવા માટે બોઈલરનો ઉપયોગ કરવામાં આવી રહ્યો હતો. આ દરમિયાન ઓવરહિટીંગના કારણે અચાનક બોઈલર ફાટ્યું હતું અને પ્રચંડ અવાજ સાથે બ્લાસ્ટ થયો હતો. બ્લાસ્ટ સમયે નજીકમાં કામ કરી રહેલા એક શ્રમિકને શરીરના ભાગે ઈજાઓ પહોંચી હતી. સદનસીબે, બ્લાસ્ટની તીવ્રતા વધુ હોવા છતાં અન્ય કોઈ મોટી જાનહાનિ કે ગંભીર દુર્ઘટના ઘટી ન હતી, જેના કારણે ફેક્ટરી સંચાલકો અને અન્ય શ્રમિકોએ રાહતનો શ્વાસ લીધો હતો.
