સુરતમાં બાળકી સાથે અડપલાં કરીને નાસી ગયેલો આધેડ આ રીતે દબોચાયો

સુરતમાં નાની ઉંમરની સગીરા-કિશોરીઓ પર ખરાબ કૃત્યોના બનાવોમાં વધારો થઈ રહ્યો છે. ત્યારે લિંબાયતમાં રહેતી 10 વર્ષની માસુમ બાળકી સાથે છેડતીનો બનાવ બન્યો હતો. બાળકી ચોકલેટ લેવા માટે કરિયાણની દુકાને ગઈ હતી. તે વખતે દુકાનદારે બાળકીની એકલતાનો લાભ ઉઠાવી જાહેરમાં અડપલા કર્યા હતા. તેમજ બનાવ અંગે કોઈને વાત કરી તો જાનથી મારી નાખવાની ધમકી આપી હતી. બાદમાં આધેડ નાસી ગયો હતો.

આ પણ વાંચોઃસુરતમાં હવસખોર વૃધ્ધે બગાડી દાનત, ચોકલેટની લાલચે 10 વર્ષની બાળકી સાથે કર્યા અડપલાં

એકલતાનો લીધો લાભ

બાળકીએ ઘરે જઈ પરિવારને સઘળી હકિકત જણાવતા પરિવારજનોએ પોલીસ ફરિયાદ નોંધાવી છે. પોલીસે વેપારી સામે છેડતીનો ગુનો નોંધી વધુ તપાસ હાથ ધરી છે. 65 વર્ષીય આરોપી સબીર સમસુદ્દીન શેખ લિંબાયત મારૂતીનગરમાં રહે છે. સમીર કરિયાણા સ્ટોરના નામે દુકાન ચલાવે છે. તેની દુકાનમાં 10 વર્ષની માસુમ બાળકી ચોકલેટ લેવા માટે ગઈ હતી. ત્યારે સબીરે માસુમ બાળકીનો એકલતાનો લાભ ઉઠાવી જાહેરમાં શારીરિક અડપલા કર્યા હતા.

બાળકીને આપી ધમકી

માસુમ બાળકીને અગર યે બાત કીસી કો બતાઈ તો જાન સે માર દુંગા તેવુ કહી જાનથી મારી નાખવાની ધમકી આપી હતી. જો કે, બાદમાં બાળકીએ ઘરે ગયા બાદ તેની માતાને તમામ હકિકત જણાવી હતી. બનાવ અંગે લિંબાયત પોલીસે બાળકીના પરિવારની ફરિયાદ લઈ કરિયાણા સ્ટોર દુકાનના માલિક સબીર શેખ સામે ગુનો દાખલ કરી તપાસ હાથ ધરી હતી. જેમાં આધેડ આરોપી નાસી ગયો હોવાથી તેને ઝડપી લીધો હતો.