VIDEO: ભચાઉના કડોલ ગામમાં મીઠાના કારખાનામાં ફસાયેલા 10ને ફાયરની ટીમે બચાવ્યા
છેલ્લું અપડેટ : 11 Sept 2025
સોર્સ : GSTV
ગુજરાતમાં ભારે વરસાદના કારણે ઘણા વિસ્તારોમાં પાણી ભરાઈ ગયા છે. કચ્છ જિલ્લાના ભચાઉ તાલુકાના કડોલ ગામમાં મીઠાના કારખાનામાં ફસાયેલા 10 લોકોને ફાયર ટીમે 10 કલાકથી વધુ સમય લગાવીને સફળતાપૂર્વક બચાવી લીધા છે. બે દિવસ પહેલા રાત્રે 112 નંબર પર એક ઈમરજન્સી કોલ આવ્યો કે ભચાઉ તાલુકાના કડોલ ગામમાં મીઠાના કારખાનામાં 10 લોકો ભારે વરસાદના કારણે ફસાયેલા છે.
10 લોકોને ફાયરની ટીમે સફળતા પૂર્વક બચાવ્યા
આ લોકો પાણીના પ્રવાહ વચ્ચે એક રૂમની ઉપર પતરાં પર બે દિવસથી અટવાયેલા હતા, અને બહાર નીકળવાનો કોઈ રસ્તો નહોતો. ભચાઉ ફાયર ટીમ તાત્કાલિક ઘટનાસ્થળે પહોંચી. ત્યાં પહોંચતાં જોયું કે ચારે બાજુ પાણી ભરાઈ ગયું હતું, જેના કારણે રસ્તો શોધવો અશક્ય બન્યું હતું. ફાયર ટીમે 10 કલાકથી વધુ સમય સુધી સતત પ્રયાસો કર્યા અને બોટની મદદથી રેસ્ક્યૂ ઓપરેશન હાથ ધર્યું.
