કડીના નાયબ મામલતદાર વિપુલ પ્રજાપતિ રૂ.10 હજારની લાંચ લેતાં ઝડપાયો

મહેસાણા: કડીમાં મહેસૂલી નાયબ મામલતદાર વિપુલ પ્રજાપતિએ ફરિયાદી પાસે રૂપિયા 20,000ની લાંચ માંગી હતી. ફરિયાદીએ સમગ્ર મામલે ACBનો સંપર્ક કરતા મહેસાણા ACBએ ટ્રેપ ગોઠવી હતી. આ ટ્રેપમાં મહેસૂલી નાયબ મામલતદાર વિપુલ પ્રજાપતિ અને પ્રિન્સ મનોજકુમાર ભાવસાર - કોમ્પ્યુટર ઓપરેટર (આઉટસોર્સ) રૂપિયા 10,000ની લાંચ લેતા રંગે હાથ ઝડપાયો હતો.

X પર જુઓ

કડીની નાયબ મામલતદાર (મહેસુલ) ની કચેરીમાં ટ્રેપ એસીબીની ટ્રેપ ગોઠવાઈ હતી. મહેસાણાના કડીમાં લાંચિયા નાયબ મામલતદાર (મહેસુલ) વિપુલકુમાર મનુભાઇ પ્રજાપતિ અને પ્રિન્સ મનોજકુમાર ભાવસાર - કોમ્પ્યુટર ઓપરેટર (આઉટસોર્સ) રૂપિયા 10,000 લાંચ લેતા રંગે હાથ બંને ઝડપાયા. જમીનની નોંધો પડાવવા, નોંધની નકલો મેળવવા, નવી-જુની શરતોમાં ફેરફાર કરવા લાંચિયા નાયબ મામલતદાર અને કોમ્પ્યુટર ઓપરેટર રૂપિયા લેતા હતા. જમીનની કાચી પડેલ નોંધ પરથી પાકી નોંધ ફરિયાદી પાસેથી 20,000 રૂપિયાની લાંચ માંગી હતી.