અમદાવાદમાં આંતરરાષ્ટ્રીય પતંગ મહોત્ત્સવનો પ્રારંભ, ઇઝરાયેલ-બ્રાઝિલ સહિતના 47 દેશના પતંગબાજો લેશે ભાગ
અમદાવાદમાં આજથી આંતરરાષ્ટ્રીય પતંગોત્ત્સવનો પ્રારંભ થયો છે. 47 દેશના પતંગબાજોએ પતંગોત્ત્સવમાં ભાગ લીધો છે. મ
અમદાવાદમાં આજથી આંતરરાષ્ટ્રીય પતંગોત્ત્સવનો પ્રારંભ થયો છે. 47 દેશના પતંગબાજોએ પતંગોત્ત્સવમાં ભાગ લીધો છે. મુખ્યમંત્રી ભૂપેન્દ્ર પટેલના હસ્તે આંતરરાષ્ટ્રીય પતંગમહોત્ત્સવનો પ્રારંભ કરવામાં આવ્યો છે. આજથી 14 જાન્યુઆરી સુધી પતંગોત્ત્સવનું આયોજન કરવામાં આવ્યું છે.
47 દેશના 143 પતંગબાજો ભાગ લેશે
અમદાવાદમાં શરૂ થયેલા આંતરરાષ્ટ્રીય પતંગમહોત્ત્સવમાં 47 દેશના 143 પતંગબાજો ભાગ લેશે જ્યારે ગુજરાતના 417 પતંગ રસિયા પણ જોડાયા છે.દેશના 11 રાજ્યમાંથી 52 પતંગ રસિયાઓએ પણ ભાગ લીધો છે.
કેનેડા, ફ્રાન્સ,ઇજિપ્ત, જર્મની, બેલારૂસ, કોલંબિયા, બ્રાઝિલ, ઇઝરાયેલ, બાલીમાંથી પણ પતંગબાજો આવ્યા છે. પતંગ મહોત્ત્સવમાં અલગ અલગ પ્રકારના પતંગે આકર્ષણ જમાવ્યું છે. સુરતના પતંગ બાદ નગર દેવી ભદ્રકાળી અને HMPV વાયરસને લઇને પણ પતંગ તૈયાર કરવામાં આવ્યો છે. વાયરસ અંગે લોકોમાં જાગૃતિ આવે તે માટે તેમજ નગર દેવી લોકોને વાયરસથી બચાવે તે હેતુથી આ પતંગને તૈયાર કરવામાં આવ્યો છે.
રતન ટાટાનો પણ પતંગ તૈયાર કરાયો
પતંગ મહોત્ત્સવમાં નાના-મોટા પતંગ આકર્ષણનું કેન્દ્ર બન્યા છે. રતન ટાટાનો પતંગ પણ તૈયાર કરવામાં આવ્યો છે. લિજન્ડ નેવલ ડાઇનાં સ્લોગન સાથે રતન ટાટાની તસવીર ધરાવતો પતંગ પણ આકર્ષણનું કેન્દ્ર બન્યો છે.
12-13 જાન્યુઆરીએ રાત્રી પતંગબાજીનું પણ આયોજન
12 અને 13 જાન્યુઆરીએ રાત્રી પતંગબાજીનું પણ આયોજન કરવામાં આવ્યું છે. આવતીકાલે સ્ટેચ્યુ ઓફ યુનિટી, વડોદરા અને સુરતમાં પણ પતંગ મહોત્ત્સવની શરૂઆત થશે.
13 જાન્યુઆરીએ સુરત, શિવરાજપુર અને ધોરડોમાં પતંગ મહોત્ત્સવનો પ્રારંભ થશે.
