ભદ્રકાળી મંદિર ખાતે“નમસ્તે વર્લ્ડ” અને AMCના સહયોગથી ઇન્ટરનેશનલ ફોક ડાન્સ એન્ડ મ્યુઝિક ફેસ્ટિવલનું આયોજન થયું

અમદાવાદમાં આંતરરાષ્ટ્રીય લોકસંસ્કૃતિ, પરંપરા અને એકતાની ઉજવણીના ભાગરૂપે “નમસ્તે વર્લ્ડ ઇન્ડિયા” અને અમદાવાદ મ્યુનિસિપલ કોર્પોરેશનના સહયોગ અને વિવિધ સંસ્થાઓએ મળીને કાર્યક્રમ “નમસ્તે વર્લ્ડ”નું 2 ફેબ્રુઆરી, સોમવારે આયોજન કરવામાં આવ્યું હતું. જેમાં ઇન્ટરનેશનલ ફોક ડાન્સ અને મ્યુઝિક ફેસ્ટિવલ યોજાયો હતો. આ કાર્યક્રમમાં વિવિધ દેશોનાં લોકનૃત્ય અને લોકસંગીતનું એક જ મંચ પર પ્રદર્શન જોવા મળ્યું. 

“નમસ્તે વર્લ્ડ – ઇન્ટરનેશનલ ફોક ડાન્સ એન્ડ મ્યુઝિક ફેસ્ટિવલ 2026 : એ ગ્લોબલ કલ્ચરલ સેલિબ્રેશન” હતું, જેમાં વિશ્વભરના કલાકારો પોતાની સંસ્કૃતિ, પરંપરા અને વારસાને રજૂ કરતાં નૃત્યો, સંગીતમય ગાયન તથા પરંપરાગત વેશભૂષાને રજૂ કરી હતી. એકતા અને શાંતિનાં સંદેશને પ્રોત્સાહન આપવા આ વૈશ્વિક સાંસ્કૃતિક કાર્યક્રમનું આયોજન કરવામાં આવ્યું હતું.

આ ભવ્ય સાંસ્કૃતિક કાર્યક્રમના મુખ્ય મહેમાન તરીકે અમદાવાદના મેયર પ્રતિભાબેન જૈન ઉપસ્થિત રહ્યા હતાં. ઉપરાંત સ્ટેન્ડિંગ કમિટીના ચેરમેન દેવાંગભાઈ દાણી તેમજ અમદાવાદ મ્યુનિસિપલ કોર્પોરેશનના પદાધિકારીઓ અને અધિકારીઓ ઉપસ્થિત રહ્યા હતા

આ કાર્યક્રમ અમદાવાદના ઐતિહાસિક અને ધાર્મિક મહત્વ ધરાવતામાં ભદ્રકાળી મંદિર, ભદ્ર, અમદાવાદ ખાતે યોજાયો હતો. જ્યાં સાંજના સમયે વિશ્વભરની સંસ્કૃતિને સંકલિત કરી એક અનોખો સાંસ્કૃતિક માહોલ સર્જાયો હતો.