Video: ફોર્મ નં.7 ખોટી રીતે ભરાયા હોવાનો પ્રાંત અધિકારીનો સ્વીકાર, ચૂંટણી પંચની ભૂમિકા સામે પ્રશ્નાર્થ

ગીર સોમનાથના વેરાવળમાં SIR પ્રક્રિયામાં ગંભીર ગેરરીતિના આક્ષેપો સાથે કોંગ્રેસ ધારાસભ્ય વિમલ ચુડાસમાએ પ્રાંત કચેરીએ ધસી જઈ અધિકારીનો ઓન-કેમેરા ઘેરાવ કર્યો હતો. ધારાસભ્યએ આક્ષેપ કર્યો છે કે, નિર્દોષ નાગરિકોની જાણ બહાર ખોટી રીતે ફોર્મ નંબર 7 ભરીને તેમનો મતાધિકાર છીનવવાનું ષડયંત્ર રચવામાં આવ્યું છે. આ દરમિયાન પ્રાંત અધિકારી વિનોદ જોશી સાથે તેમની તીખી જીભાજોડી થઈ હતી, જેમાં તેમણે અધિકારીને "સુપર સી.એમ." કહી ઉગ્ર પ્રહાર કર્યા હતા.

ચોંકાવનારી વાત એ છે કે, કેમેરો બંધ હોવાનું માનીને પ્રાંત અધિકારીએ અમને પણ ખબર છે કે આ બધા ખોટા છે તેવું કબૂલ કરતો સંવાદ રેકોર્ડ થઈ જતાં ચૂંટણી તંત્રની ભૂમિકા પર મોટા સવાલો ઊભા થયા છે. ધારાસભ્યએ આ મામલે CCTV ફૂટેજ તપાસીને જવાબદારો સામે ફોજદારી ગુનો દાખલ કરવાની માંગ કરી છે.