GANDHINAGAR / 11 જૂને નવા 5 ધારાસભ્યોની શપથવિધિ યોજાશે, ભાજપનું સંખ્યાબળ વધશે

Gandhinagar News : રાજ્યમાં લોકસભા ચૂંટણી સાથે વિધાનસભાની 5 બેઠકો વિજાપુર, પોરબંદર, ખંભાત, માણાવદર અને વાઘોડીયા બેઠક પર પેટાચૂંટણી યોજાઈ હતી. આ તમામ 5 બેઠકો પર ભાજપના ઉમેદવારો ચૂંટાયા છે. હવે આવતીકાલે 11 જૂને નવા આ 5 ધારાસભ્યોની શપથવિધિ યોજાશે : 

• વિજાપુર - સી જે ચાવડા
• પોરબંદર - અર્જુન મોઢવાડિયા
• ખંભાત - ચિરાગ પટેલ
• માણાવદર - અરવિંદ લાડાણી
• વાઘોડીયા - ધર્મેન્દ્રસિંહ વાઘેલા

વિધાનસભા અધ્યક્ષ શંકર ચૌધરી પોતાની ચેમ્બરમાં આ 5 થનવા પાંચ ચૂંટાયેલા ધારાસભ્યોને  ધારાસભ્યપદના શપથ લેવડાવશે. 

વિધાનસભામાં ભાજપનું સંખ્યાબળ 161 થયું 

ગુજરાતમાં લોકસભાની સાથે વિધાનસભાની પાંચ બેઠકોની યોજાયેલી ચૂંટણીમાં કોંગ્રેસની ભૂંડી હાર થઈ છે. આ તમામ  બેઠકોમાં મોટી સરસાઇ સાથે કોંગ્રેસના પક્ષપલ્ટુઓનો વિજય થયો છે. વિધાનસભામાં ભાજપની હાલની 156ની સંખ્યામાં પાંચ બેઠકો ઉમેરાતા કુલ સભ્ય સંખ્યા 161 થઇ છે.