Surendranagar news: ભૂતિયા બેન્ક એકાઉન્ટ ખોલવાના કૌભાંડનો પર્દાફાશ, ગઠિયાઓ 5 હજાર આપી ખાતા ભાડે રાખતા

સુરેન્દ્રનગર જિલ્લામાં સાઇબર ફ્રોડના નાણાંની લેવડદેવડ માટે 'ભૂતિયા બેન્ક એકાઉન્ટ' ખોલવાનું એક મોટું કૌભાંડ સામે આવ્યું છે. સાઇબર માફિયાઓ દ્વારા ખાતેદારોને ૩ થી ૫ હજાર રૂપિયા આપીને તેમના બેન્ક ખાતા ભાડે રાખવામાં આવતા હતા. આ ખાતાઓમાં અત્યાર સુધીમાં ૩૦ લાખથી વધુની રકમ ટ્રાન્સફર કરવામાં આવી હોવાનો ધડાકો થયો છે.

સુરેન્દ્રનગર જિલ્લાનું અત્યાર સુધીનું સૌથી મોટું કૌભાંડ

આ પ્રકારે બેંગ્લોર, હૈદરાબાદ, મધ્યપ્રદેશ, મહારાષ્ટ્ર સહિતના રાજ્યોના લોકો સાથે છેતરપિંડી કરવામાં આવતી હતી. આ મામલે ધ્રાંગધ્રામાં પોલીસે ૬ જેટલા ખાતેદારો સામે ગુનો નોંધીને કાર્યવાહી શરૂ કરી છે. આ કેસમાં પોલીસ ત્રણ આરોપીઓની અટકાયત કરી છે. સુરેન્દ્રનગર જિલ્લામાં અત્યાર સુધીનું આ સૌથી મોટું સાઇબર ક્રાઇમ કૌભાંડ માનવામાં આવી રહ્યું છે.