Gujaratની નગરપાલિકાઓમાં પ્રમુખ-ઉપપ્રમુખની વરણી, જુઓ હોદ્દેદારોની સંપૂર્ણ યાદી
છેલ્લું અપડેટ : 19 May 2026
ગુજરાતમાં સ્થાનિક સ્વરાજ્યની ચૂંટણી પ્રક્રિયા શાંતિપૂર્ણ માહોલમાં પૂર્ણ થયા બાદ હવે તમામની નજર મહા નગરપાલિકા, નગરપાલિકા, જિલ્લા અને તાલુકા પંચાયતોના નવા પદાધિકારીઓ (પ્રમુખ અને ઉપ પ્રમુખ) કોણ બનશે તેના પર ટકેલી હતી. આ આતુરતાનો અંત લાવતા આજે (19મી મે) રાજ્યની 84 નગરપાલિકાઓના પ્રમુખ અને ઉપ પ્રમુખ સહિતના ઉચ્ચ પદાધિકારીઓના નામોની સત્તાવાર જાહેરાત કરી દેવામાં આવી છે.
નગરપાલિકામાં પ્રમુખ-ઉપ પ્રમુખના નામ જાહેર
• દેવભૂમિ દ્વારકાની ખંભાળિયા નગરપાલિકાના પ્રમુખ તરીકે વિજય કણઝારિયા, ઉપ પ્રમુખ તરીકે આશા લુણા અને કારોબારી ચેરમેન તરીકે રાજ પાબરીની વરણી કરવામાં આવી છે.
• ખેડાની કપડવંજ નગરપાલિકાના પ્રમુખ તરીકે સેજલબેન પટેલ, ઉપ પ્રમુખ તરીકે નેહાબહેન ઓઝા, કારોબારી ચેરમેન તરીકે નરેન્દ્રભાઈ પટેલ, પક્ષના નેતા તરીકે ભદ્રેશકુમાર સુતરિયા અને દંડક તરીકે જયશ્રીબહેન શર્માની વરણી કરવામાં આવી છે.
• તાલાલા નગરપાલિકાના પ્રમુખ તરીકે ભૂપતભાઈ હીરપરા, ઉપ પ્રમુખ તરીકે નીશાબહેન તન્ના અને કારોબારી ચેરમેન તરીકે રજની દવેની વરણી કરવામાં આવી છે.
• સિદ્ધપુર નગરપાલિકાના પ્રમુખ તરીકે રણજીતસિંહ સોલંકી અને ઉપ પ્રમુખ તરીકે પ્રમોદ પટેલની વરણી કરવામાં આવી છે.
• મુન્દ્રા બારોઈ નગરપાલિકાના પ્રમુખ તરીકે ભોજરાજ ગઢવી, ઉપ પ્રમુખ તરીકે આશા સોરઠિયા, કારોબારી ચેરમેન તરીકે ધમભા ઝાલા, શાસક પક્ષના નેતા તરીકે દિલીપ ગૌર અને દંડક તરીકે પ્રકાશ ઠક્કરની વરણી કરવામાં આવી છે.
• વિજાપુર નગરપાલિકાના પ્રમુખ તરીકે કામીનીબહેન પટેલ અને ઉપ પ્રમુખ તરીકે ડો. બીનાબહેન પટેલની વરણી કરવામાં આવી છે.
• વિસનગર નગરપાલિકાના પ્રમુખ તરીકે આશાબહેન પટેલ અને ઉપ પ્રમુખ તરીકે મહેન્દ્ર ઠાકોરની વરણી કરવામાં આવી છે.
• ઈડર નગરપાલિકાના પ્રમુખ તરીકે અનસુયાબહેન પટેલ, ઉપ પ્રમુખ તરીકે વિનોદ પરમાર અને કારોબારી ચેરમેન તરીકે જીનલ સાગરની વરણી કરવામાં આવી છે.
• ભરૂચ નગરપાલિકાના પ્રમુખ તરીકે દેવેન્દ્ર વસાવા અને ઉપ પ્રમુખ તરીકે રૂચિતા રાકેશ મોદીની વરણી કરવામાં આવી છે.
• બહુચરાજી નગરપાલિકાના પ્રમુખ તરીકે નરેન્દ્ર પટેલ અને ઉપ પ્રમુખ તરીકે હંસાબહેન ભરવાડની વરણી કરવામાં આવી છે.
• વેરાવળ નગરપાલિકાના પ્રમુખ તરીકે નરેશ ગોહેલ, ઉપ પ્રમુખ તરીકે હેમીબહેન જેઠવા, કારોબારી ચેરમેન તરીકે ઉદય શાહ, પક્ષના નેતા તરીકે રીટાબેન તન્ના અને દંડક તરીકે જિતેન્દ્ર ઉપાધ્યાયની વરણી કરવામાં આવી છે.
• આણંદની પેટલાદ નગરપાલિકાના પ્રમુખ તરીકે કોકીલાબહેન તળપદા, ઉપ પ્રમુખ તરીકે મનીષાબહેન શાહ, કારોબારી ચેરમેન તરીકે જય પટેલ અને પક્ષના નેતા તરીકે ધરતીબહેન પટેલની વરણી કરવામાં આવી છે.
• ઉના નગરપાલિકાના પ્રમુખ તરીકે હર્ષાબેન રાઠોડ, ઉપ પ્રમુખ તરીકે મિતેશ શાહ અને કારોબારી ચેરમેન તરીકે ઘનશ્યામ જોશીની વરણી કરવામાં આવી છે.
• સુરતની બારડોલી નગરપાલિકાના પ્રમુખ તરીકે નીલમબેન વ્યાસ, ઉપ પ્રમુખ તરીકે મિનેશ પટેલ, કારોબારી ચેરમેન તરીકે જેની ભંડારી, શાસક પક્ષના નેતા તરીકે અમરસિંહ સોલંકી અને દંડક તરીકે ડો. ભાવિન ચૌધરીની વરણી કરવામાં આવી છે.
• કચ્છની માંડવી નગરપાલિકાના પ્રમુખ તરીકે વર્ષાબહેન જોશી અને ઉપ પ્રમુખ પદે મુકેશ રાબડીયાની વરણી કરાઈ હતી. નપાના કારોબારી ચેરમેન વિજય ગઢવી, નગરપાલિકાના શાસક પક્ષના નેતા વિજય ચૌહાણ અને દંડક તરીકે જીગર ધાયાણીની વરણી કરાઈ હતી.
• કડી નગરપાલિકાના પ્રમુખ તરીકે રાજેંદ્રભાઈ ગજ્જર અને ઉપ પ્રમુખ તરીકે સ્મીતાબહેન પટેલની વરણી કરાઈ હતી
• નખત્રાણા નગરપાલિકાના પ્રમુખ તરીકે વસંત વાઘેલા અને ઉપ પ્રમુખ તરીકે દમયંતિબહેન સેંધાણીની નિમણૂક કરાઈ હતી. જ્યારે નખત્રાણા નગરપાલિકાના કારોબારી ચેરમેન તરીકે ચંદનસિંહ રાઠોડ અને દંડક તરીકે જાગૃતિબહેન ઠક્કરની વરણી કરાઈ હતી. નખત્રાણા નપાના શાસક પક્ષના નેતા તરીકે સવિતાબેન દરજીની વરણી કરાઈ હતી.
• ઊંઝા નગરપાલિકાના પ્રમુખ તરીકે ક્રિમાબેન પટેલની વરણી કરાઈ હતી.
• હિંમતનગર નગરપાલિકાના પ્રમુખ તરીકે અરુણાબહેન કડિયા, ઉપ પ્રમુખ તરીકે ગોપાલસિંહ રાઠોડની વરણી કરાઈ હતી. હિંમતનગર નગરપાલિકાના કારોબારી ચેરમેન તરીકે રાહુલ પટેલની નિમણૂક કરાઈ હતી.
• વેરાવળ નગરપાલિકાના પ્રમુખ તરીકે નરેશ ગોહેલ, ઉપ પ્રમુખ પદે હેમીબેન જેઠવાની વરણી કરાઈ હતી. કારોબારી ચેરમેન ઉદય શાહ, નગરપાલિકાના પક્ષના નેતા તરીકે રીટાબેન તન્ના અને વેરાવળ નપાના દંડક તરીકે જિતેંદ્ર ઉપાધ્યાયની નિમણૂક કરાઈ હતી.
• ભુજ નગરપાલિકાના પ્રમુખ તરીકે શીતલ શાહ અને ઉપ પ્રમુખ તરીકે બિંદિયાબહેન ઠક્કરની નિમણૂક કરાઈ હતી. ભુજ નગરપાલિકાના કારોબારી ચેરમેન તરીકે કમલ ગઢવીની વરણી કરાઈ હતી. ભુજ નગરપાલિકાના સત્તાપક્ષના નેતા તરીકે ધર્મેશ ગૌર અને દંડક તરીકે રૂપલબહેન ચાવડાની નિમણૂક કરાઈ હતી.
• છોટા ઉદેપુરની બોડેલી નગરપાલિકાના પ્રમુખ તરીકે ઉમેશભાઈ રાઠવાની વરણી, ઉપ્રમુખ તરીકે પન્નાબહેન પટેલની વરણી અને કારોબારી અધ્યક્ષ તરીકે જીગ્નેશભાઈ ચોક્સીની વરણી કરવામાં આવી છે.
• રાજપીપલા નગરપાલિકામાં પ્રમુખ તરીકે શિવાની મહેતાની વરણી, ઉપ પ્રમુખ તરીકે ઉત્કર્ષ વસાવા (રાહુલ)ની વરણી, રાજપીપલા નગરપાલિકા કારોબારી ચેરમેન તરીકે કુલદીપસિંહ ગોહિલ અને પક્ષના નેતા તરીકે પ્રગનેશ રામી, દંડક તરીકે ધર્મેશ સોલંકીને જાહેર કરવામાં આવ્યા છે.
• શહેરા નગરપાલિકામાં પ્રમુખ તરીકે શીતલબહેન પરમારની વરણી, ઉપ પ્રમુખ તરીકે હિંમતસિંહ પગીની વરણ, કારોબારી અધ્યક્ષ તરીકે જેકી મુલચંદાણી, શાસક પક્ષના નેતા તરીકે મહેન્દ્ર પગી અને દંડક તરીકે વિજય બારીયાની વરણી કરાઈ છે.
