Video: અમદાવાદમાં ડબલ સિઝનને કારણે રોગચાળો બેકાબૂ, વાયરલના દૈનિક ૭૦૦ કેસ નોંધાયા

અમદાવાદમાં વાયરલના પ્રતિદિન ૭૦૦ જેટલા કેસ નોંધાઈ રહ્યા છે. મ્યુનિસિપલ કોર્પોરેશનના આંકડા મુજબ શહેરમાં રોગચાળો વકર્યો છે, જેમાં ડેન્ગ્યુના ૫૧૩, ટાઈફોઈડના ૧૯૪ અને ઝાડા-ઉલટીના ૧૬૭ કેસ સામે આવ્યા છે. કમળાના ૪૨ કેસ, સાદા મલેરિયાના ૬૩, ઝેરી મલેરિયાના ૧૫ અને ચિકનગુનિયાના ૨ કેસ નોંધાયા છે. રોગચાળાના આ વધતા પ્રકોપને કારણે આરોગ્ય વિભાગ દ્વારા સાવચેતીના પગલાં અને ફોગિંગની કામગીરી તેજ કરવામાં આવી છે. તજજ્ઞોના જણાવ્યા મુજબ, બદલાતા વાતાવરણમાં પીવાલાયક પાણી ઉકાળીને પીવું અને મચ્છરના ઉપદ્રવથી બચવા માટે ખાસ કાળજી રાખવી ખૂબ જ જરૂરી છે.