સાપુતારાના રસ્તાઓ પર અકસ્માતો ઘટાડવા પ્રયાસ, માલેગાવ મેઈન યુ-ટર્ન પર વળાંકો પહોળા કરવાની કામગીરી

ગુજરાતના એકમાત્ર હવા ખાવાના ગિરીમથક સાપુતારાના રસ્તાઓ પર અવારનવાર અકસ્માતો થતાં રહે છે. ત્યારે ડાંગ જિલ્લામાં સાપુતારા-શામગહાન રોડ પર અકસ્માતોને રોકવા માટે મહત્વપૂર્ણ પગલાં લેવામાં આવ્યા છે. સાપુતારા પોલીસે માલેગાવ મેઈન યુ-ટર્ન પર, જે એક બ્લેક સ્પોટ તરીકે ઓળખાય છે, ત્યાં રસ્તો પહોળો કરવાની કામગીરી હાથ ધરી છે.

માટીકામથી રસ્તો પહોળો કરવાનું કામ

આ વિસ્તારમાં વારંવાર થતા અકસ્માતોને ધ્યાનમાં રાખીને નાના-મોટા વાહનો માટે યુ-ટર્ન લેવામાં મુશ્કેલી સર્જાતી હતી. સાંકડા રસ્તાને કારણે અનેક અકસ્માતો થતા હતા. આ સમસ્યાના નિવારણ માટે પોલીસ ટીમે વણાંકો પર માટીકામ કરીને રસ્તો પહોળો કરવાનું કામ હાથ ધર્યું છે. આ પગલાંથી વાહનચાલકોની સલામતી વધશે અને અકસ્માતોમાં ઘટાડો થશે.