JUNAGADH : માળીયાના ખોરાસા નજીક એક સિંહણ અને 2 સિંહબાળના મૃતદેહ મળ્યાં

Junagadh News : જુનાગઢ જિલ્લાના માળીયા હાટીના તાલુકાના ખોરાસા નજીક એક સિંહણ અને 2 સિંહબાળના મૃતદેહ મળતા વિનવિભાગના અધિકારીઓ દોડતા થયા હતા. 

ઘટનાની માહિતી મળતા જ વનવિભાગની ટીમ અને વેટરનરી ડોકટરની ટીમ પોલીસ કાફલા સાથે ઘટનાસ્થળે પહોંચી હતી.  સિંહણ અને 2 સિંહબાળના મોતથી સિંહપ્રેમીઓમાં અરેરાટી ફેલાઈ છે. 

આ  સિંહણ અને 2 સિંહબાળના મોતનું કારણ શોધવા વનવિભાગ કામે લાગ્યું છે. આ ત્રણેયના મોત વીજ કરંટ લાગવાથી થયા છે કે અન્ય કોઈ કારણથી એ પોસ્ટ મોર્ટમ રિપોર્ટ સામે આવ્યાં બાદ જ જાણ થશે. 

હાલ વનવિભાગે  સિંહણ અને 2 સિંહબાળના મૃતદેહોને પોસ્ટમોર્ટમ માટે ખસેડ્યા છે અને આગળની કાર્યવાહી હાથ ધરી છે.