DAHOD: લીમડી ગામમાં વિશ્વ આદિવાસી દિવસની રેલીમાં યુવકો વચ્ચે મારામારી

દાહોદ જિલ્લાના લીમડી ગામમાં 9 ઓગસ્ટે વિશ્વ આદિવાસી દિવસની ઉજવણી દરમિયાન યુવકો વચ્ચે મારામારી થઈ હતી, જેનો વિડીયો સોશિયલ મીડિયામાં વાયરલ થયો છે. આ ઘટનાને લઈને પોલીસે ઝડપથી એક્શન લઈને 2 કિશોરો સહિત 3 લોકોને ઝડપી પાડ્યા છે, જ્યારે અન્ય આરોપીઓની શોધખોળ ચાલુ છે.

રેલીમાં મારામારી

9 ઓગસ્ટે લીમડી ખાતે આદિવાસી સમુદાયની રેલી યોજાઈ હતી, જેમાં ભાગ લેનાર યુવકો વચ્ચે અચાનક ઝઘડો થયો હતો. આ ઝઘડો એક સામાન્ય વિવાદથી શરૂ થઈને મારામારીમાં પરિવર્તિત થયો. જેને લઇ પોલીસને કાર્યવાહી કરવાની ફરજ પડી.

પોલીસની કાર્યવાહી

વિડીયો વાયરલ થયા બાદ લીમડી પોલીસ એક્શન મોડમાં આવી ગઈ અને વિડીયોના આધારે 2 કિશોરો સહિત 3 લોકોને ઝડપી પાડ્યા. પોલીસે જણાવ્યું કે, ઘાયલ થયેલા એક યુવકની ફરિયાદના આધારે આ કાર્યવાહી હાથ ધરવામાં આવી છે. ફરિયાદીના નિવેદન અને વિડીયો ચલાવીને અન્ય આરોપીઓની ઓળખગીરી માટે તપાસ શરૂ કરવામાં આવી છે. પોલીસનો દાવો છે કે શીઘ્ર જ બાકીના આરોપીઓને પણ પકડી લેવામાં આવશે.