Video/ Suratના રત્નકલાકારોના બાળકોની શિક્ષણ સહાય યોજના પર સંકટ; 26,000 ફોર્મ ના મંજૂર

ગુજરાત સરકાર દ્વારા હીરા ઉદ્યોગના રત્નકલાકારોના બાળકો માટે જાહેર કરવામાં આવેલી શિક્ષણ સહાય યોજના હાલ વિવાદમાં સપડાઈ છે. આ યોજના હેઠળ રજૂ કરાયેલા અંદાજે 26,000 જેટલા ફોર્મ સરકાર દ્વારા ના મંજૂર કરવામાં આવતા, રત્નકલાકારોમાં ભારે રોષની લાગણી ફેલાઈ છે.

કલેક્ટર કચેરીએ રજૂઆત

પોતાના બાળકોના ભવિષ્યની ચિંતા સાથે, મોટી સંખ્યામાં રત્નકલાકારોએ સુરતની અઠવાલાઇન્સ ખાતે આવેલી જિલ્લા કલેક્ટર કચેરી ખાતે પહોંચીને રજૂઆત કરી હતી. રત્નકલાકારોએ  રદ કરાયેલા 26,000 ફોર્મને તાત્કાલિક મંજૂર કરવામાં આવે તેવી માંગણી કરી હતી. સાથે આ યોજનાનો લાભ ખરેખર જરૂરિયાતમંદ અને સાચા હકદારોને મળે તેવી પણ માંગ હતી. 

ધરણાં અને રેલીની ચીમકી

રત્નકલાકારોના જણાવ્યા અનુસાર, જો તેમની આ માંગણીઓ સંતોષવામાં નહીં આવે અને બાળકોને શિક્ષણ સહાયનો લાભ નહીં મળે, તો તેઓ આગામી સમયમાં ધરણાં (ધરણા પ્રદર્શન) અને રેલી જેવા આંદોલનાત્મક કાર્યક્રમો યોજવા માટે મજબૂર થશે.

આટલી મોટી સંખ્યામાં ફોર્મ રદ થવા પાછળનું ચોક્કસ કારણ શું છે અને આ વિસંગતતા ક્યારે દૂર થશે, તે અંગે હવે કલેક્ટર કચેરી દ્વારા સ્પષ્ટતા અને ઝડપી કાર્યવાહી કરવામાં આવે તે જરૂરી છે.