Ahmedabad Plan Crash: CM ભૂપેન્દ્ર પટેલે અમિત શાહ સાથે કરી વાત, તમામ મદદની આપી ખાતરી
અમદાવાદમાં પેસેન્જર સાથેનું વિમાન તૂટી પડ્યું છે. જેથી મુખ્યમંત્રી ભુપેન્દ્ર પટેલે દુઃખ વ્યક્ત
અમદાવાદમાં પેસેન્જર સાથેનું વિમાન તૂટી પડ્યું છે. જેથી મુખ્યમંત્રી ભુપેન્દ્ર પટેલે દુઃખ વ્યક્ત કર્યું છે. સાથે જ તેમણે x પર લખ્યું કે, અમદાવાદમાં એર ઈન્ડિયાનું પેસેન્જર વિમાન તુટી પડવાની દુર્ઘટનાથી વ્યથિત છું. દુર્ઘટનામાં તત્કાલ બચાવ અને રાહત કામગીરીની તેમજ ઈજાગ્રસ્ત મુસાફરોને તાત્કાલિક સારવાર માટેની વ્યવસ્થા યુદ્ધના ધોરણે હાથ ધરવાની સૂચના અધિકારીઓને આપી છે.
ગ્રીન કોરિડોરની વ્યવસ્થા
ઈજાગ્રસ્ત મુસાફરોને સારવાર માટે પહોંચાડવા ગ્રીન કોરીડોરની વ્યવસ્થા માટે અને હોસ્પીટલમાં સારવારની તમામ વ્યવસ્થાઓ અગ્રતાક્રમે સુનિશ્ચિત કરવા પણ સૂચનાઓ આપી છે.
કેન્દ્રીય ગૃહમંત્રી સાથે કરી વાત
માનનીય કેન્દ્રીય ગૃહમંત્રી અમિતભાઈ શાહે પણ મારી સાથે વાતચીત કરીને આ વિમાન દુર્ઘટનામાં બચાવ – રાહત કામગીરી માટે NDRFની ટીમો અને કેન્દ્ર સરકારની સંપૂર્ણ મદદની ખાતરી આપી છે.
