VIDEO: બોડેલીમાં ઓરસંગ નદીના બ્રિજ પર ગાબડું પડતા વાહનવ્યવહાર ઠપ્પ
છેલ્લું અપડેટ : 04 Jul 2026
બોડેલી નજીકથી પસાર થતી ઓરસંગ નદી પર આવેલા મહત્વના બ્રિજના છેવાડે ગાબડું પડતા ભારે અફરાતફરી મચી ગઈ છે. આ બ્રિજ નેશનલ હાઈવે નંબર ૫૬નો મુખ્ય ભાગ છે, જેના પરથી મહારાષ્ટ્ર, મધ્ય પ્રદેશ અને રાજસ્થાનને જોડતા હજારો વાહનો રોજ પસાર થાય છે. ગાબડું પડવાને કારણે તંત્ર દ્વારા સુરક્ષાના ભાગરૂપે આ માર્ગ પરનો વાહનવ્યવહાર સંપૂર્ણપણે બંધ કરી દેવામાં આવ્યો છે, જેનાથી વાહનચાલકો મધદરિયે અટવાઈ ગયા છે. આ બ્રિજ બોડેલીને ૧૦૦થી વધુ ગામો સાથે જોડતી મુખ્ય કડી છે. વાહનવ્યવહાર બંધ થતા હાલ લોકો પગપાળા પસાર થવા મજબૂર બન્યા છે, જેના કારણે ખેડૂતો અને વિદ્યાર્થીઓની અવરજવર પર સીધી અસર પડી છે. સ્થાનિકોના જણાવ્યા અનુસાર, વર્ષો જૂના આ બ્રિજના એક ભાગનું રિપેરિંગ છેલ્લા બે વર્ષથી ચાલી રહ્યું હતું, તેમ છતાં આજે ફરી ગાબડું પડતા તંત્રની કામગીરી સામે ગંભીર સવાલો ઉઠ્યા છે. નિત્ય મુસાફરી કરતા નાગરિકો હવે જર્જરિત બ્રિજનું તાત્કાલિક નવીનીકરણ કરવાની માંગ કરી રહ્યા છે, જેથી ભવિષ્યમાં કોઈ મોટી દુર્ઘટના ન ટળે અને લોકોની મુશ્કેલીઓનો કાયમી અંત આવે.
