VIDEO : છોટાઉદેપુરના બોડેલીમાં કોતરો પરના દબાણો દૂર કરાયા, પાલિકા દ્વારા પ્રિમોન્શૂન કામગીરી
છેલ્લું અપડેટ : 10 Jun 2026
સોર્સ : GSTV
છોટાઉદેપુર જિલ્લાના બોડેલી અલીપુરા ચાર રસ્તા પાસે નગર પાલિકા દ્વારા પાંચ કેબિનો હટાવવામાં આવ્યા છે. બોડેલી નગરમાંથી પસાર થતી કુદરતી કોતર ઉપર બનાવવામાં આવેલા કેબિનો દૂર કરીને પ્રિ-મોન્સૂન કામગીરી શરૂ કરવામાં આવી છે. વરસાદી પાણીના યોગ્ય નિકાલમાં અવરોધ ન થાય તે માટે મોટા પાઇપો નાખવાની કામગીરી પણ હાથ ધરવામાં આવી છે. અગાઉ ચોમાસા દરમિયાન રહેણાંક વિસ્તારોમાં પાણી ભરાઈ જતા હતા, જેના કારણે નાગરિકોને મુશ્કેલી પડતી હતી. નગર પાલિકાની આ કામગીરીથી પાણીના નિકાલની સમસ્યા હલ થવાની આશા વ્યક્ત કરવામાં આવી રહી છે.
