VIDEO: છોટાઉદેપુર અને બોડેલીમાં મેઘમહેર: ખેડૂતોમાં ખુશીની લહેર
છેલ્લું અપડેટ : 19 Jun 2026
સોર્સ : GSTV
છોટાઉદેપુર જિલ્લામાં વહેલી સવારથી જ વરસાદી માહોલ છવાયો છે. પવન સાથે ધીમીધારે વરસી રહેલા વરસાદને કારણે વાતાવરણમાં ઠંડક પ્રસરી ગઈ છે. છોટાઉદેપુર નગરના મેન બજાર, કસ્બા વિસ્તાર, રાજપૂત ફળિયા અને એસટી ડેપો સહિતના વિસ્તારોમાં વરસાદ નોંધાયો છે. વરસાદ શરૂ થતાં જ નગરના કેટલાક વિસ્તારોમાં વીજ પુરવઠો ખોરવાયો હતો. બીજી તરફ બોડેલી તાલુકામાં પણ ગાજવીજ અને પવન સાથે વરસાદ વરસ્યો છે. ચાચક, ઢોકલિયા, ઝાખરપુરા, માંકણી, જબુગામ અને કકરોલિયા સહિતના વિસ્તારોમાં વરસાદી માહોલ જોવા મળ્યો છે. ખેતીલાયક વરસાદથી ખેડૂતોમાં ખુશીનો માહોલ છવાયો છે.
