Video: શિયાળામાં સ્વાસ્થ્ય સંભાળ: આયુર્વેદિક ઉપાયો અને તેલ માલિશનું મહત્ત્વ

શિયાળાની શરૂઆત સાથે જ ઋતુજન્ય બીમારીઓ અને સ્વાસ્થ્ય સંબંધિત સમસ્યાઓથી બચવા આયુર્વેદિક ઉપાયનું મહત્વ વધી જાય છે. આયુર્વેદ અનુસાર ઠંડીની ઋતુમાં શરીરમાં વાતદોષ વધવાની શક્યતા રહે છે. આ દરમિયાન ઘી, દૂધ અને માખણ જેવા પૌષ્ટિક આહારનો ઉપયોગ સ્વાસ્થ્ય માટે ફાયદાકારક માનવામાં આવે છે. ખાસ કરીને રોજ સવારે તલના તેલ અથવા સરસવના તેલથી અભ્યંગ એટલે કે માલિશ કરવાની સલાહ આપવામાં આવે છે. અભ્યંગથી ત્વચાની શુષ્કતા ઘટાડવામાં અને શરીરના થાકમાં રાહત મેળવવામાં મદદ મળી શકે છે. શિયાળામાં વૃદ્ધોમાં સાંધાના દુખાવા અને શરીરની જકડન જેવી સમસ્યાઓ વધી શકે છે, તેથી યોગ્ય આહાર, નિયમિત માલિશ અને શરીરની ક્ષમતા પ્રમાણે કસરત કરીને સ્વાસ્થ્યની કાળજી રાખવી જરૂરી છે.