BSFએ ભુજના જખૌ બીચ પરથી ડ્રગ્સના 9 પેકેટ કર્યા જપ્ત

બોર્ડર સિક્યોરિટી ફોર્સ (BSF) અને નાર્કોટિક્સ કંટ્રોલ બ્યુરો (NCB) એ સંયુક્ત ઓપરેશનમાં ભુજના જખૌ કિનારે આવેલા એક અલગ ટાપુમાંથી આશરે 10 કિલો વજનના શંકાસ્પદ નાર્કોટિક્સના 9 પેકેટો જપ્ત કર્યા હતા.

સતત પેટ્રોલિંગ અને સઘન તપાસ દરમિયાન BSFએ જૂન 2024 થી શંકાસ્પદ દવાઓના કુલ 181 પેકેટ્સ રિકવર કર્યા છે. આ વિસ્તારમાં માદક દ્રવ્યોની હેરાફેરી રોકવા માટે BSF દ્વારા જાખાઉ કિનારે અલગ-અલગ ટાપુઓ અને ખાડીઓની સઘન શોધખોળ શરૂ કરવામાં આવી છે.

X પર જુઓ

2 દિવસ પહેલા ગીર સોમનાથના દરિયાકાંઠેથી ૬ કરોડનું ચરસ મળી આવ્યું

કોડીનાર તાલુકાના છારા ગામના દરિયાકાંઠેથી બિનવારસી હાલતમાં ચરસના 10 જેટલા પેકેટ મળી આવતા એસ.ઓ.જી પોલીસે આ પેકેટો કબજે કરીને સઘન તપાસ હાથ ધરી હતી. 

ચરસનો જથ્થો ક્યાંથી આવ્યો તે દિશામાં તપાસ શરૂ

કોડીનાર તાલુકાના છારા ગામના દરિયાકાંઠેથી બિનવારસી હાલતમાં ચરસના 10 જેટલા પેકેટ મળી આવ્યા હતા. આ તમામ પેકેટની ખરાઈ કરવા માટે એફ.એસ.એલને જાણ કરવામાં આવી હતી બાદ એફ.એસ.એલના રિપોર્ટ મુજબ આ 10થી 12 કિલો ગ્રામ ચરસ કે જેની આંતરરાષ્ટ્રીય કિંમત 6 કરોડ 50 હજાર એટલે કે એક કિલોના 50 લાખ રૂપિયા અને આ ચરસ અફઘાની ચરસ હોવાનું જણાવ્યું હતું. જેના આધારે એસ.ઓ.જી પોલીસ દ્વારા આ બિનવારસી મળેલા ચરસમાં અજાણ્યા ઈસમો વિરૂદ્ધ ગુનો નોંધી આ ચરસનો જથ્થો ક્યાંથી આવ્યો? કોના દ્વારા  દરિયામાં ફેંકવામાં આવ્યો? તે તમામ મુદ્દે  તપાસ હાથ ધરી છે.