મોટા સમાચાર / ગુજરાત સહિત આ 5 રાજ્યોમાં ધરમૂળથી ફેરફારની તૈયારીમાં ભાજપ

BJP to Replace State President: કેન્દ્રનો શાસકપક્ષ ભાજપ ગુજરાત, તેલંગાણા અને પશ્ચિમ બંગાળ રાજ્યોમાં નવા પ્રદેશ અધ્યક્ષોની નિમણૂક કરવા જઈ રહ્યો છે કેમ કે આ રાજ્યોના વર્તમાન પ્રદેશ અધ્યક્ષોને કાલે જ વડાપ્રધાન નરેન્દ્ર મોદીએ પોતાના નવા મંત્રીમંડળમાં સ્થાન આપ્યું છે. આ સિવાય તમિલનાડુ અને રાજસ્થાનના ભાજપ પ્રદેશ અધ્યક્ષો બદલાવાની શક્યતા પ્રબળ થઈ ગઈ છે કેમ કે તાજેતરમાં લોકસભા ચૂંટણીમાં પાર્ટીએ આશાઓ અનુસાર પ્રદર્શન કર્યું નથી.

ભાજપના નવા રાષ્ટ્રીય અધ્યક્ષ સાથે પ્રદેશાધ્યક્ષોની પણ નિમણૂક થશે

ભાજપના રાષ્ટ્રીય અધ્યક્ષની પણ નવી રીતે ચૂંટણી થશે કેમ કે વર્તમાન અધ્યક્ષ જેપી નડ્ડા પણ કેન્દ્રીય મંત્રીમંડળનો ભાગ બની ચૂક્યા છે અને તેમનો કાર્યકાળ પણ 30 જૂને પૂરો થઈ રહ્યો છે. દરમિયાન હવે ભાજપના નવા રાષ્ટ્રીય અધ્યક્ષની નિમણૂક બાદ જ આ રાજ્યોના પ્રદેશાધ્યક્ષોની પણ નિમણૂક થશે. પાર્ટી સાથે જોડાયેલા એક નેતાએ તેની પુષ્ટિ કરી છે પરંતુ એ જણાવ્યું નથી કે નડ્ડાના સ્થાને ક્યાં સુધી નવા રાષ્ટ્રીય અધ્યક્ષની નિમણૂક થશે. નડ્ડાને મંત્રીમંડળમાં સ્થાન આપવામાં આવ્યું હતું.

ગુજરાતમાં નવા પ્રદેશ અધ્યક્ષની નિમણૂક થશે

ગુજરાતના ભાજપ અધ્યક્ષ અને ચાર વખતના સાંસદ સી આર પાટીલને પણ રાજ્યમાં પાર્ટીના સતત સારા પ્રદર્શનના કારણે વડાપ્રધાન નરેન્દ્ર મોદીએ કેન્દ્રીય મંત્રીમંડળમાં સ્થાન આપ્યું છે. આમ તો ગુજરાત ભાજપ અધ્યક્ષ તરીકે તેમનો કાર્યકાળ થોડા મહિના પહેલા જ સમાપ્ત થઈ ચૂક્યો છે. તેમને લોકસભા ચૂંટણી સુધી આ પદ પર રહેવાનું કહેવામાં આવ્યું હતું. હવે જ્યારે તે કેન્દ્ર સરકારમાં સામેલ થઈ ગયાં છે તો તેમના સ્થાને નવા પ્રદેશ અધ્યક્ષની નિમણૂક થવાની નક્કી છે.

તેલંગાણામાં પણ નવા પ્રદેશ અધ્યક્ષની નિમણૂક થશે

તેલંગાણાના પ્રદેશ અધ્યક્ષ કિશન રેડ્ડીને ફરીથી કેન્દ્રીય પરિષદમાં સામેલ કરવામાં આવ્યા છે. હવે તેમના સ્થાને બીજા ઓબીસી ચહેરાની તપાસ થઈ રહી છે. સાંસદ ઈટાલા રાજેન્દ્રને તેલંગાણા ભાજપના નવા અધ્યક્ષ બનાવી શકાય છે જે લગભગ પાંચ વર્ષ પહેલા પાર્ટીમાં સામેલ થયા હતા. તેમનો રાજ્યમાં ખૂબ પ્રભાવ છે. પશ્ચિમ બંગાળના ભાજપ અધ્યક્ષ સુકાંત મજૂમદારને પણ કેન્દ્રીય મંત્રી પરિષદમાં સ્થાન આપવામાં આવ્યું છે. તેથી તેમના સ્થાને પણ હવે નવા ચહેરાની શોધ થઈ રહી છે.

રાજસ્થાનમાં ભાજપ સંગઠનમાં મોટા પાયે પરિવર્તનની તૈયારીમાં 

રાજસ્થાનમાં ભાજપ સંગઠનમાં મોટા પાયે પરિવર્તનનું આયોજન થઈ રહ્યું છે, કેમ કે ભાજપ 25 લોકસભા બેઠકોમાંથી માત્ર 14 પર જીત મેળવી શકી છે. તેનાથી પહેલા 2014 અને 2019ની લોકસભા ચૂંટણીમાં ભાજપે રાજસ્થાનમાં તમામ 25 બેઠકો પર ક્લિન સ્વિપ કર્યું હતું. પાર્ટીના ખરાબ પ્રદર્શન બાદ વર્તમાન પ્રદેશ અધ્યક્ષ સીપી જોશી, જે એક સાંસદ પણ છે તેમને બદલવાની શક્યતા વધી ગઈ છે. પાર્ટીના વરિષ્ઠ નેતાઓના જણાવ્યા અનુસાર નવા રાજ્ય પ્રમુખ માટે જે નામો પર વિચાર કરવામાં આવી રહ્યો છે, તેમાં રાજ્યસભા સાંસદ રાજેન્દ્ર ગેહલોત, કુલદીપ ધનખડ, પાર્ટીના જાટ ચહેરા મદન રાઠોર અને પૂર્વ નેતા પ્રતિપક્ષ રાજેન્દ્ર રાઠોર સામેલ છે.

તમિલનાડુમાં પ્રદેશ ભાજપ અધ્યક્ષ બદલવામાં આવશે

તમિલનાડુમાં પણ ભાજપે આશાઓ અનુસાર પ્રદર્શન કર્યું નથી. રાજ્યમાં પૂર્વ ભાજપ પ્રમુખ તમિલિસાઈ સુંદરરાજન અને વર્તમાન પ્રદેશ અધ્યક્ષના અન્નામલાઈના નજીકના નેતાઓની વચ્ચે આંતરિક વિવાદ પાર્ટીના ખરાબ પ્રદર્શનનું એક કારણ રહ્યું છે. તેથી પાર્ટી હવે નવા પ્રદેશ અધ્યક્ષની શોધ કરી રહી છે. રાજ્યના ભાજપ નેતાઓનું એક જૂથ અન્નામલાઈને બરતરફ કરવાની પણ માગ કરી રહ્યું છે. તેની પર AIADMK સાથે ગઠબંધન તોડવાનો આરોપ લગાવી રહ્યાં છે, તેના કારણે પાર્ટીને રાજ્યમાં લોકસભા ચૂંટણીમાં હારનો સામનો કરવો પડે છે.