Bhavnath Mahadev Temple: નાયબ મુખ્યમંત્રીએ પ્રોટોકોલ છોડી ગિરનાર દરવાજાથી ભવનાથ સુધી કરી પદયાત્રા

 Bhavnath Mahadev Temple: જૂનાગઢ શહેરમાં યોજાતા પ્રખ્યાત મહાશિવરાત્રિ મેળા નિમિત્તે રાજ્યના નાયબ મુખ્યમંત્રી આજે જૂનાગઢ પહોંચ્યા હતા. તેઓએ ગિરનાર દરવાજા પરથી પદયાત્રાની શરૂઆત કરી અને ભવનાથ મહાદેવ મંદિર સુધી પગપાળા જવાનો નિર્ણય લીધો. મહાશિવરાત્રિના અવસર પર ગિરનાર તળેટીમાં લાખો શ્રદ્ધાળુઓ ઉમટતા હોય છે, જેના કારણે વાહનોની એન્ટ્રી બંધ રાખવામાં આવી છે. આ પરિસ્થિતિમાં નાયબ મુખ્યમંત્રી પણ સ્થાનિક તંત્રના અધિકારીઓ અને હોદ્દેદારો સાથે પગપાળા ભવનાથ મંદિર તરફ રવાના થયા હતા.

મહાશિવરાત્રિ મેળો ગિરનારની પવિત્ર ધરતી પર ભવ્ય રીતે ઉજવાય છે. અહીં સાધુ-સંતો, નાગા બાવાઓ અને હજારો ભક્તો ભેગા થઈ ભગવાન શિવની આરાધના કરે છે. ખાસ કરીને ડમરૂં યાત્રા મેળાનો મુખ્ય આકર્ષણ હોય છે, જેમાં નાયબ મુખ્યમંત્રી પણ ઉપસ્થિત રહેવાના છે.

તેમની હાજરી દરમિયાન સુરક્ષા વ્યવસ્થાની સમીક્ષા, ટ્રાફિક નિયંત્રણ અને ભક્તોને સુવિધા મળે તે માટે સ્થાનિક તંત્ર સાથે ચર્ચા કરવામાં આવશે. ગિરનાર દરવાજાથી ભવનાથ મંદિર સુધીની પદયાત્રા દરમિયાન ભક્તોએ નાયબ મુખ્યમંત્રીનું સ્વાગત કર્યું હતું અને “હર હર મહાદેવ”ના જયઘોષથી સમગ્ર વિસ્તાર ગુંજી ઉઠ્યો હતો.

મહાશિવરાત્રિ મેળો માત્ર ધાર્મિક જ નહીં પરંતુ સાંસ્કૃતિક અને પર્યટન દ્રષ્ટિએ પણ મહત્વ ધરાવે છે. દર વર્ષે લાખો શ્રદ્ધાળુઓ ગિરનારની પવિત્ર ભૂમિ પર આવી ભગવાન શિવના દર્શન કરે છે. રાજ્ય સરકાર દ્વારા પણ મેળાની સુચારૂ વ્યવસ્થા માટે ખાસ આયોજન કરવામાં આવ્યું છે.

આ વર્ષે મેળામાં સુરક્ષા અને સ્વચ્છતા પર વિશેષ ભાર મુકાયો છે. પોલીસ, આરોગ્ય વિભાગ અને નગરપાલિકા તંત્ર દ્વારા સતત મોનિટરિંગ કરવામાં આવી રહ્યું છે, જેથી ભક્તોને કોઈપણ પ્રકારની અસુવિધા ન થાય. મહાશિવરાત્રિના આ પવિત્ર અવસર પર નાયબ મુખ્યમંત્રીની હાજરીથી જૂનાગઢમાં ભક્તિ અને ઉત્સાહનો માહોલ વધુ ગાઢ બન્યો છે.