Bharuch/ સબ જેલમાં હવલદાર પર કાચા કામના કેદીનો હુમલો, સુરક્ષા વ્યવસ્થા સામે સવાલ
છેલ્લું અપડેટ : 01 Dec 2025
ભરૂચ જિલ્લા જેલ (સબ જેલ) માં ફરજ પર હાજર હવલદાર પર કાચા કામના એક કેદીએ હુમલો કર્યાની ગંભીર ઘટના સામે આવી છે. આ ઘટના દવા બાબતે થયેલી માથાકૂટ બાદ બની હતી.
ઘટનાની વિગતો
ભરૂચ જિલ્લા જેલમાં તારીખ: 01/012/2025ના રોજ કાચા કામના કેદી વિશાલ યાદવએ જેલ હવલદાર ગોમાન વસાવા પર હુમલો કર્યો હતો. કેદી વિશાલ યાદવ અને જેલ સ્ટાફ વચ્ચે દવા સંબંધિત મુદ્દે બોલાચાલી થઈ હતી. દવા બાબતે માથાકૂટ કરતા કેદી વિશાલ યાદવને અન્ય યાર્ડમાં મોકલવાની પ્રક્રિયા ચાલી રહી હતી. આ પ્રક્રિયા દરમિયાન તેણે અચાનક હવલદાર ગોમાન વસાવા પર હુમલો કરી દીધો હતો.
પોલીસ કાર્યવાહી
આ ગંભીર ઘટના અંગે ભરૂચ બી ડિવિઝન પોલીસે તુરંત કાર્યવાહી હાથ ધરી છે. પોલીસે હુમલો કરનાર કેદી વિશાલ યાદવ વિરુદ્ધ ફરજમાં રૂકાવટ કરવા બદલ તથા હુમલાના ગુનાની નોંધ કરી છે અને આગળની તપાસ શરૂ કરી છે.
સુરક્ષા વ્યવસ્થા પર પ્રશ્નાર્થ
જેલ જેવી અત્યંત સુરક્ષિત જગ્યાએ ફરજ પરના કર્મચારી પર હુમલો થવાની આ ઘટનાએ ફરી એકવાર જિલ્લા જેલની સુરક્ષા વ્યવસ્થાના મુદ્દે પ્રશ્નો ઊભા કર્યા છે. આ બનાવને પગલે જિલ્લા પોલીસ અને જેલ વિભાગને સુરક્ષા પ્રત્યે વધુ સતર્ક રહેવાની ફરજ પડી છે.
