13 વર્ષના વિદ્યાર્થીને ભગાવી જઈ ગર્ભપાત કરાવનારી શિક્ષિકાને જામીન, પીડિતના ઘર નજીક પ્રવેશ પર પ્રતિબંધ
શિક્ષિક જગત પર કલંકરૂપ એક છોટી સી લવ સ્ટોરીએ સમગ્ર રાજ્યમાં ચકચાર મચાવી છે.સુરતના પરવત પાટિયા વિસ્તારમાં રહેતી 23 વ
શિક્ષિક જગત પર કલંકરૂપ એક છોટી સી લવ સ્ટોરીએ સમગ્ર રાજ્યમાં ચકચાર મચાવી છે.સુરતના પરવત પાટિયા વિસ્તારમાં રહેતી 23 વર્ષીય શિક્ષિકા પર આરોપ છે કે તેણે પોતાના ટ્યુશનમાં આવતાં 13 વર્ષના કિશોરને ભગાડી લઇ જઈ શારીરિક સંબંધ બાંધ્યા હતા. તેનાથી ગર્ભવતી થઈ હતી. બાદમાં ગર્ભાત કરાવ્યો હતો. આ મામલામાં અધિક સત્ર ન્યાયાધીશ રાકેશ રજનીકાંત ભટ્ટની અદાલતે આરોપી શિક્ષિકાને જામીન મંજૂર કર્યા છે.
બન્નેની મરજીથી સંબંધો બંધાયા
બચાવ પક્ષ તરફથી વકીલ વાજિદ શેખે દલીલ કરી હતી કે, પોલીસ દ્વારા ફરિયાદ નોંધતી વખતે જ ત્રુટિ થઈ છે. આ કેસમાં પોક્સો ઍક્ટની કલમો લાગુ થતી નથી, છતાં તેને લાગુ કરવામાં આવી છે. કોર્ટના આદેશ અનુસાર, પોલીસ દ્વારા રજૂ કરવામાં આવેલા દસ્તાવેજો પર ધ્યાન આપતાં એવું જણાય છે કે આરોપી સામેની તપાસ લગભગ પૂરી થઈ ચૂકી છે. આરોપીનું ગર્ભપાત કરાવવામાં આવી ચૂક્યું છે અને સંબંધિત જરૂરી પુરાવાઓ પણ એકત્રિત કરવામાં આવી ગયા છે. મરજીથી સંબંધ બંધાયા હતા.બચાવ પક્ષે દલીલ કરી હતી કે, પોક્સો ઍક્ટની કલમો 4, 6, 8 અને 12 મહિલાઓ પર લાગુ પડતી નથી. આ ઉપરાંત, અપહરણની કલમ પણ આ કેસમાં લાગુ પડતી નથી, કારણ કે આરોપી અને કિશોરને જાહેર સ્થળોએ એકસાથે ફરતા જોવા મળ્યા હતા. આરોપીને ખોટા કેસમાં ફસાવવામાં આવી છે. વધુમાં આરોપીનું ગર્ભપાત થઈ ચૂક્યું છે અને તેની માનસિક તથા શારીરિક સ્થિતિ નાજુક અને સંવેદનશીલ છે.
જામીન આપતી વખતે મૂકેલી શરતો
આરોપીએ ત્રણ દિવસની અંદર પોતાનું કાયમી સરનામું તથા મોબાઇલ નંબર પુરાવા સાથે જાહેર કરવો પડશે.આરોપી કોઈપણ સાક્ષીને પ્રભાવિત નહીં કરે અને ન તો ડરાવશે.અદાલતે સ્પષ્ટ રીતે જણાવ્યું કે, ટ્રાયલ પૂર્ણ થાય ત્યાં સુધી આરોપી શિક્ષિકા પીડિત કિશોરના વિસ્તારમાં 1000 મીટરની સીમા સુધી પ્રવેશ નહીં કરે.
