Bhavnagar: ATM તોડીને સોશિયલ મીડિયા પર 'સ્ટેટસ' મૂક્યું, હિંમતવાન ચોરો સામે પોલીસની કાર્યવાહી

ભાવનગર શહેરમાં ચોરીની એક અનોખી અને હિંમતભરી ઘટના સામે આવી છે, જ્યાં તસ્કરોએ ATM તોડવાની ગુનાહિત પ્રવૃત્તિ કર્યા બાદ પોતાની હિંમતનું પ્રદર્શન સોશિયલ મીડિયા પર કર્યું છે.

શહેરના ચિત્રા વિસ્તારમાં મસ્તરામ બાપાના મંદિર નજીક આવેલ  Hitachi કંપનીના ATMને તસ્કરો દ્વારા તોડી પાડવામાં આવ્યું હતું. જોકે, આટલેથી ન અટકતા, ચોરીની ઘટના બાદ આ તસ્કરોએ ATM તોડવાના દ્રશ્યોના 'સ્ટેટસ' બનાવી સોશિયલ મીડિયા પર મૂક્યા હતા.

ATM કંપની દ્વારા આ મામલે પોલીસમાં અરજી કરવામાં આવતાં, પોલીસે તાત્કાલિક પગલાં લીધા છે. પોલીસે અરજીના આધારે સંબંધિત રીલ્સ (Reels) મેળવીને સ્થળ તપાસ હાથ ધરી છે અને આ અનોખા ગુનાને અંજામ આપનાર તસ્કરો સામે કાર્યવાહી શરૂ કરી છે.