Anand/ પતંગની લાલચ કિશોર માટે જીવલેણ બની, વીજ કરંટ લાગતા કરુણ મોત
છેલ્લું અપડેટ : 04 Jan 2026
ઉત્તરાયણના તહેવારને હવે ગણતરીના દિવસો બાકી છે ત્યારે આણંદના ખંભાત તાલુકાના ઉંદેલ ગામેથી એક હૃદયદ્રાવક સમાચાર સામે આવ્યા છે. અહીં પતંગ લૂંટવાના ચક્કરમાં એક માસૂમ કિશોરે પોતાનો જીવ ગુમાવ્યો છે. આ ઘટનાને પગલે સમગ્ર પંથકમાં અરેરાટી વ્યાપી ગઈ છે અને પરિવારમાં શોકનું મોજું ફરી વળ્યું છે.
શું હતી સમગ્ર ઘટના?
મળતી માહિતી મુજબ, ખંભાત તાલુકાના ઉંદેલ ગામની કોઠીયા સીમ વિસ્તારમાં આ અકસ્માત સર્જાયો હતો. એક કિશોર આકાશમાં કપાતી પતંગ પાછળ દોડી રહ્યો હતો. પતંગ લૂંટવાની મોજમાં તે એટલો મશગૂલ હતો કે આસપાસના જોખમનો તેને ખ્યાલ રહ્યો નહીં.
આ કિશોર પતંગ લૂંટવા માટે ગાયો-ભેંસો બાંધવાના એક શેડ પાસે પહોંચ્યો હતો. આ શેડ નીચે ઉતરેલા જીવંત વીજ તાર (કરંટ) ના સંપર્કમાં કિશોર આવી ગયો હતો. વીજળીનો જોરદાર ઝટકો લાગતા કિશોર ઘટનાસ્થળે જ ફસડાઈ પડ્યો હતો અને તેનું કરુણ મોત નીપજ્યું હતું.
તહેવારની ખુશી શોકમાં ફેરવાઈ
ઉત્તરાયણ પૂર્વે જ ઘરમાં પતંગો અને ફિરકીઓ લાવવાની તૈયારીઓ ચાલતી હતી, ત્યાં જ વહાલસોયા પુત્રના મોતના સમાચાર મળતા પરિવાર ભાંગી પડ્યો છે. ઉંદેલ ગામમાં પણ આ ઘટનાને લઈને ભારે ગમગીની છવાઈ ગઈ છે. પતંગ લૂંટવાની એક નાનકડી ભૂલ અને ક્ષણિક લાલચ માસૂમ માટે કાળ બનીને આવી હતી.
વાલીઓ માટે લાલબત્તી સમાન કિસ્સો
આ ઘટના ફરી એકવાર વાલીઓ માટે ગંભીર ચેતવણી રૂપ છે. ઉત્તરાયણ દરમિયાન બાળકો અવારનવાર રસ્તાઓ પર કે અજાણી જગ્યાએ પતંગ લૂંટવા દોડતા હોય છે, જે અત્યંત જોખમી સાબિત થાય છે: