VIDEO: દાણીલીમડામાં નશાકારક કફ સીરપનો મોટો જથ્થો ઝડપાયો
છેલ્લું અપડેટ : 27 Jun 2026
સોર્સ : gstv
અમદાવાદના દાણીલીમડા વિસ્તારમાં નશાકારક કફ સીરપના ગેરકાયદેસર જથ્થાનો પર્દાફાશ થયો છે. લોખંડવાળા કોમ્પ્લેક્સમાંથી પોલીસે કુલ 203 બોટલ સીલબંધ કફ સીરપનો જથ્થો કબજે કર્યો છે. તપાસ દરમિયાન કોડીન આધારિત કફ સીરપનું ગેરકાયદેસર વેચાણ કરતા મુક્કદશ અનવરહુસેન શેખ નામના આરોપીની ધરપકડ કરવામાં આવી છે. પ્રાથમિક તપાસમાં આ સીરપનો ઉપયોગ નશા માટે થતો હોવાનું સામે આવ્યું છે. દાણીલીમડા પોલીસે NDPS એક્ટ હેઠળ ગુનો નોંધી વધુ તપાસ હાથ ધરી છે. સમગ્ર મામલે નેટવર્કમાં અન્ય કોણ સંડોવાયેલું છે તે દિશામાં પણ તપાસ તેજ કરવામાં આવી છે.
