Video: સવારની ઠંડી અને બપોરના તડકાની બેવડી અસર, વાયરલ ઈન્ફેક્શનના કેસોમાં વધારો

અમદાવાદમાં સવારના ઠંડા પવનો અને બપોરના તડકાને કારણે બદલાતા તાપમાનની અસર લોકોના સ્વાસ્થ્ય પર જોવા મળી રહી છે. શહેરની હોસ્પિટલો અને ક્લિનિક્સમાં શરદી, કફ, ખાંસી અને તાવના દર્દીઓની સંખ્યામાં વધારો નોંધાઈ રહ્યો છે. ખાસ કરીને નાના બાળકો અને વૃદ્ધો બદલાતી ઋતુની અસરનો વધુ ભોગ બની રહ્યા છે. તબીબોના મતે, વાતાવરણમાં અચાનક થતા ફેરફારોને કારણે વાઇરલ ચેપનું જોખમ વધી શકે છે. આવી સ્થિતિમાં સ્વાસ્થ્યનું ધ્યાન રાખવું, પૂરતી ઊંઘ લેવી અને વ્યક્તિગત સ્વચ્છતા જાળવવી જરૂરી છે. તાવ કે અન્ય લક્ષણો લાંબો સમય રહે તો તબીબી સલાહ લેવી જોઈએ.