Budget 2024 / ક્યાં, ક્યારે અને કેવી રીતે જોઈ શકશો લાઈવ બજેટ? અહીં જાણો સંપૂર્ણ વિગત

દર વર્ષે સરકાર દ્વારા કેન્દ્રીય બજેટ લાવવામાં આવે છે. સરકારી નીતિઓની સાથે બજેટમાં કરદાતાઓ અને સામાન્ય જનતા માટે ઘણી જાહેરાતો પણ થાય છે. જો કે બજેટ દર વર્ષે ફેબ્રુઆરીમાં રજૂ કરવામાં આવે છે, પરંતુ જે વર્ષમાં સામાન્ય ચૂંટણીઓ યોજાય છે ત્યારે બે બજેટ રજૂ કરવામાં આવે છે. જેમ કે, તે આ વર્ષે થયું.

આ વર્ષે ફેબ્રુઆરીમાં વચગાળાનું બજેટ રજૂ કરવામાં આવ્યું હતું અને આજે કેન્દ્રીય બજેટ અથવા સામાન્ય બજેટ આવશે. સામાન્ય જનતાથી લઈને વેપારીઓ સુધી દરેકને આ બજેટ પર ઘણી અપેક્ષાઓ છે. ચાલો હવે જાણીએ કે તમે બજેટ લાઈવ ટેલિકાસ્ટ કેવી રીતે, ક્યાં અને ક્યારે જોઈ શકો છો.

તારીખ અને સમય

નાણાકીય વર્ષ 2024-25નું સામાન્ય બજેટ 23 જુલાઈ 2024 (મંગળવાર) ના રોજ સવારે 11 વાગ્યે જાહેર કરવામાં આવશે. આ વર્ષે 1 ફેબ્રુઆરીએ વચગાળાનું બજેટ રજૂ કરવામાં આવ્યું હતું.

બજેટ લાઈવ ક્યાં જોવું

તમે ડીડી ન્યૂઝ પર નાણામંત્રીનું સામાન્ય બજેટ ભાષણ લાઈવ જોઈ શકો છો. ડીડી નેશનલ પર પણ બજેટ ભાષણનું લાઈવ ટેલિકાસ્ટ થશે. જો તમે ઇચ્છો તો, તમે તમારા ફોન પર પણ બજેટ લાઈવ જોઈ શકો છો. તમે ડીડી ન્યૂઝની ઓફિશિયલ યુટ્યુબ ચેનલ પર બજેટ ભાષણનું લાઈવ ટેલિકાસ્ટ જોઈ શકો છો.

તમે પ્રેસ ઇન્ફોર્મેશન બ્યુરો (PIB) ની YouTube ચેનલ અને વેબસાઈટ પર પણ બજેટનું લાઈવ ટેલિકાસ્ટ જોઈ શકો છો.

અહીંથી બજેટ ડોક્યુમેન્ટ ડાઉનલોડ કરો

બજેટ ભાષણ પછી, તમે બજેટની સત્તાવાર વેબસાઈટ અને મોબાઇલ એપ્લિકેશન પરથી બજેટ ડોક્યુમેન્ટ્સ ડાઉનલોડ કરી શકો છો. એન્ડ્રોઈડ યુઝર્સ યુનિયન બજેટ મોબાઈલ એપ ગૂગલ પ્લે અને આઈફોન યુઝર્સ એપ સ્ટોર પરથી ડાઉનલોડ કરી શકે છે. તમે યુનિયન બજેટ મોબાઈલ એપ પરથી બજેટ ડોક્યુમેન્ટ્સ સરળતાથી ડાઉનલોડ કરી શકો છો.