LPG સિલિન્ડરના ભાવમાં ઘટાડો, જાણો અમદાવાદમાં કેટલો છે ભાવ?  

આજે એટલે કે 1લી જુલાઈ 2024ના રોજ એલપીજી સિલિન્ડરના ભાવમાં ફેરફાર કરવામાં આવ્યો છે. મોદી સરકાર 3.0 ના કાર્યકાળની શરૂઆત પછી એલપીજીના દરમાં આ પહેલો ફેરફાર છે. આજે દિલ્હીમાં આજે સિલિન્ડર 30 રૂપિયા સસ્તો થઈ ગયો છે. જ્યારે કોલકાતામાં તે 31 રૂપિયા અને મુંબઈ-ચેન્નઈમાં પણ લગભગ આટલો જ ભાવ ઘટાડો થયો છે. LPG ગેસની કિંમતમાં આ ફેરફાર માત્ર કોમર્શિયલ સિલિન્ડરમાં જ થયો છે. ઘરેલું સિલિન્ડરના ભાવમાં કોઈ ફેરફાર થયો નથી. એલપીજી સિલિન્ડરના આ દર ઈન્ડિયન ઓઈલ પાસેથી લેવામાં આવ્યા છે.

LPG સિલિન્ડર ક્યાં કિંમતે ઉપલબ્ધ છે?

દિલ્હીમાં આજે ઘરેલુ સિલિન્ડરની કિંમત 803 રૂપિયા અને કોમર્શિયલ સિલિન્ડરની કિંમત 1676 રૂપિયાથી ઘટીને 1646 રૂપિયા થઈ ગઈ છે. કોલકાતામાં 14.2 કિલોનો LPG સિલિન્ડર આજે 829 રૂપિયામાં કોઈપણ ફેરફાર વગર ઉપલબ્ધ થશે. જ્યારે 19 કિલોનું કોમર્શિયલ સિલિન્ડર આજથી 31 રૂપિયા સસ્તું 1756 રૂપિયામાં મળશે.

ચેન્નાઈમાં આજથી કોમર્શિયલ સિલિન્ડર 1840.50 રૂપિયાના બદલે 1809.50 રૂપિયામાં મળશે. અહીં ઘરેલુ સિલિન્ડર 818.50 રૂપિયામાં મળે છે. મુંબઈની વાત કરીએ તો અહીં પણ ઘરેલુ સિલિન્ડરની કિંમત માત્ર 802.50 રૂપિયા છે, પરંતુ કોમર્શિયલ સિલિન્ડરની કિંમતોમાં ઘટાડો થયો છે.

અમદાવાદમાં એલપીજી સિલિન્ડર કેટલા દરે ઉપલબ્ધ છે?

બિહારની રાજધાની પટનામાં આજે 14.2 કિલોનું ઇન્ડેન એલપીજી સિલિન્ડર 901 રૂપિયામાં ઉપલબ્ધ છે. જ્યારે 19 કિલોના કોમર્શિયલ સિલિન્ડરની કિંમત ઘટીને 1915.5 રૂપિયા થઈ ગઈ છે. ગુજરાતના અમદાવાદમાં 19 કિલોનું બ્લુ સિલિન્ડર હવે માત્ર 1665 રૂપિયામાં મળશે. જ્યારે 14 કિલોના ઘરેલુ એલપીજી લાલ સિલિન્ડરની કિંમત 810 રૂપિયા છે.

1 જૂન 2023ના રોજ દિલ્હીમાં ઘરેલુ એલપીજી સિલિન્ડરની કિંમત 1103 રૂપિયા હતી. 30 ઓગસ્ટ, 2023 ના રોજ, 200 રૂપિયાની રાહત હતી અને કિંમત 903 રૂપિયા થઈ ગઈ. 9 માર્ચ 2024ના રોજ ફરી એકવાર સિલિન્ડર 100 રૂપિયા સસ્તું થયું. આજથી મુંબઈમાં કોમર્શિયલ સિલિન્ડરની કિંમત 1598 રૂપિયા થઈ ગઈ છે. પહેલા તે 1629 રૂપિયામાં ઉપલબ્ધ હતું.