ભારતની GDP: વર્ષ 2025-26ના બીજા ક્વાર્ટરમાં 8.2% રહેવાનું અનુમાન, ગત વર્ષથી 2.6% વધુ

બીજા ક્વાર્ટરમાં ભારતના કુલ ઘરેલું ઉત્પાદન (GDP) વૃદ્ધિ દરમાં 8.2%નો વધારો થયો છે. સરકારી આંકડા મુજબ, ગત નાણાકીય વર્ષના સમાન ક્વાર્ટરમાં તે 5.6% હતો. દરમિયાન, એપ્રિલથી ઓક્ટોબર દરમિયાન એટલે કે, આ નાણાકીય વર્ષના પ્રથમ સાત મહિનામાં ભારતની રાજકોષીય ખાધ 8.25 લાખ કરોડ રૂપિયા હતી.

આ વાર્ષિક અંદાજના 52.6% છે. આ વખતે રાજકોષીય ખાધ ગયા વર્ષના 46.5% કરતા વધુ છે. સરકાર આ નાણાકીય વર્ષમાં રાજકોષીય ખાધને GDPના 4.4% સુધી ઘટાડવાનું લક્ષ્ય છે, જે એક વર્ષ પહેલા 4.8% હતું.

સરકારે એ પણ જણાવ્યું છે કે, ઓક્ટોબર 2025 માટે ભારતના ઔદ્યોગિક ઉત્પાદનના ડેટા 1 ડિસેમ્બરના રોજ જાહેર કરવામાં આવશે. ઓલ ઈન્ડિયા ઇન્ડેક્સ ઓફ ઇન્ડસ્ટ્રિયલ પ્રોડક્શન (IIP) ડેટા સામાન્ય રીતે દર મહિનાની 28મી તારીખે અથવા જો 28મી તારીખે રજા હોય તો આગામી કાર્યકારી દિવસે જાહેર કરવામાં આવે છે.

સરકારે એક સત્તાવાર નિવેદનમાં જણાવ્યું કે, 'ઓક્ટોબર 2025 માટે IIP 28 નવેમ્બર, 2025ના રોજ જાહેર થવાનું હતું. 2025-26ના બીજા ક્વાર્ટર (જુલાઈ-સપ્ટેમ્બર) માટે GDPના ત્રિમાસિક અંદાજ IIP પ્રકાશન સાથે પ્રકાશિત થવાના હોવાથી ઓક્ટોબર 2025 માટે IIP ના પ્રકાશનની તારીખમાં ફેરફાર કરવામાં આવ્યો છે.' હવે આ ડેટા 1 ડિસેમ્બર, 2025ના રોજ સાંજે 4:00 વાગ્યે જાહેર કરવામાં આવશે.