અદાણી ગ્રુપને ઓસ્ટ્રેલિયામાં સુપ્રીમ કોર્ટથી રાહત મળી, એક્ટિવિસ્ટને ગોપનીય ડેટાની તપાસથી રોકવામાં આવ્યો
છેલ્લું અપડેટ : 28 Nov 2025
ઓસ્ટ્રેલિયાની અદાલતમાંથી અદાણી ગ્રુપ માટે એક સારા સમાચાર આવ્યા છે. ક્વીન્સલેન્ડ સુપ્રીમ કોર્ટે એક ફોસિલ ફ્યુઅલ વિરોધી એક્ટિવિસ્ટને અદાણી કારમાઇકલ કોલસા ખાણકામથી જોડાયેલી ગોપનીય જાણકારી મેળવવા અને તેનો ઉપયોગ કરવા અંગે સ્થાયી રૂપથી રોક લગાવવામાં આવી છે. આ ચુકાદાની સાથે અદાણી સમૂહ અને તેમના લાંબા સમયના વિરોધી વચ્ચે ચાલી રહેલા કાનૂની સંઘર્ષનો અંત આવ્યો છે.
એક લાંબા કાનૂની જંગનો અંત
ઓસ્ટ્રેલિયામાં ક્વીન્સલેન્ડ સુપ્રીમ કોર્ટથી અદાણી ગ્રુપની કંપનીને મોટી રાહત મળી છે. અદાલતે ફોસિલ ફ્યુઅલ વિરોધી એક્ટિવિસ્ટને અદાણીની કારમાઇકલ કોલસા ખાણો સંબંધીત ગોપનીય માહિતી મેળવવા અને તેનો ઉપયોગ કરવા પર રોક લગાવવાનો સ્થાયી આદેશ આપી દીધો છે. આ રીતે એક લાંબા કાનૂની જંગનો અંત આવી ગયો છે.
અદાણી સ્મૂહ સાથે જોડાયેલી કંપની બ્રાવસ માઇનિંગ એન્ડ રીસોર્સીઝ તરફથી જારી કરવામાં આવેલા નિવેદન પ્રમાણે બેન પેનિંગ્સને બ્રાવસના કર્મચારી, કોન્ટ્રાક્ટર્સ, પાસેથી ગોપનીય જાણકારી પ્રાપ્ત કરવાના પ્રયાસોને રોકવા પડશે.
અદાણી ગ્રુપે દંડ ન લેવા પર સહમતિ દર્શાવી
જોકે, અદાણી ગ્રુપનો હિસ્સો ગણાતા બ્રાવસે પણ કાનૂની દંડ ન વસુલવા પર સહમતિ દર્શાવી છે. આ કંપની ગૈલિલી બેઝિનમાં કારમાઇકલ કોલસા ખાણનું સંચાલન કરે છે. આ નિકાસ બજાર માટે દર વર્ષે એક કરોડ ટન કોલસાનું ઉત્પાદન કરે છે. કાયમી ચુકાદો પેનિંગ્સને ગોપનીય જાણકારીનો ખુલાસો કરવાની માગ કરવા કે તેને પ્રોત્સાહન આપવાથી રોક લગાવવા અંગેનો છે. આમાં અંદરની જાણકારી લીક કરવાના ઈરાદાથી કરવામાં આવેલી પ્રત્યક્ષ કાર્યવાહી પણ સામેલ છે. આ આદેશ તેના ઉચિત વિરોધ અને વકિલાતમાં સામેલ થવાની ક્ષમતા પર કોઇ પ્રતિબંધ નથી લગાવતા.
શું છે સમગ્ર મામલો
બ્રાવસે ગૈલિલી બ્લોકેડ ગ્રુપના રાષ્ટ્રીય પ્રવક્તા પેનિંગ્સના વિરુદ્ધ દીવાની દાવો કર્યો હતો. એમાં આરોપ લગાવવામાં આવ્યો હતો કે, તેમણે કારમાઇકલ કોલસા ખાણ, તેના સપ્લાયર, અને કોન્ટ્રાક્ટ્રસના સંચાલનને બાધિત કરવાની કોશિશ કરી હતી. તેના સીઓઓ મીક ક્રોને અદાલતે આદેશનું સ્વાગત કરતા જણાવ્યું હતું કે, કંપનીનો ઉદેશ્ય હંમેશા ઉત્પીડન અને ધમકીભર્યા આચરણને રોકવાનો રહ્યો છે.
