'અમને બ્રેડ આપો ક્રીમ અમે જાતે જ...', રેસ્ટોરન્ટ માલિકે એવું શું કહ્યું કે હવે નાણામંત્રી પાસે માંગવી પડી માફી
GST કેટલો સાચો અને કેટલો ખોટો તે અંગે સામાન્ય લોકોમાં હંમેશા મતભેદ જોવા મળે છે. GSTથી વેપારીઓ
GST કેટલો સાચો અને કેટલો ખોટો તે અંગે સામાન્ય લોકોમાં હંમેશા મતભેદ જોવા મળે છે. GSTથી વેપારીઓ સૌથી વધુ પ્રભાવિત છે, તેથી સ્વાભાવિક છે કે તેઓ આ મુદ્દે કેટલાક મંતવ્યો ધરાવતા હશે. રેસ્ટોરન્ટના માલિક માટે આ વિચારો વ્યક્ત કરવા મુશ્કેલ સાબિત થયા. તમિલનાડુની જાણીતી રેસ્ટોરન્ટ ચેઈન શ્રી અન્નપૂર્ણાના માલિક શ્રીનિવાસન એક વિવાદના કેન્દ્રમાં છે.
નાણામંત્રી નિર્મલા સીતારમણની હાજરીમાં કોઈમ્બતુરમાં વેપારીઓની એક બેઠકનું આયોજન કરવામાં આવ્યું હતું. આ બેઠકમાં શ્રીનિવાસને GST વિશે રમૂજી રીતે કંઈક કહ્યું હતું. તેમણે જણાવ્યું કે GSTને કારણે વેપારીઓ કેવી મુશ્કેલીઓનો સામનો કરી રહ્યા છે. તમને જણાવી દઈએ કે શ્રીનિવાસન તમિલનાડુ હોટલ ઓનર્સ ફેડરેશનના ચેરપર્સન પણ છે.
શું કહ્યું?
શ્રીનિવાસને બેઠકમાં કહ્યું, 'મીઠાઈ પર 5 ટકા GST છે પરંતુ નમકીન પર 12 ટકા GST છે. ક્રીમ બન્સ પર 18 ટકા GST છે પરંતુ બન્સ પર કોઈ GST નથી. ગ્રાહકો ઘણી વાર કહે છે - 'તમે મને બન આપી દો. હું જાતે તેમાં ક્રીમ અને જામ લગાવી લઈશ.' શ્રીનિવાસનની વાત સાંભળીને ત્યાં બેઠેલા વેપારીઓ હસી પડ્યા. અહેવાલો અનુસાર આ સાંભળીને નાણામંત્રી નિર્મલા સીતારમણ પણ હસી પડ્યા.
માફી માંગવી પડી
આ મીટીંગનો વીડીયો વાયરલ થયા બાદ બીજો વીડીયો વાયરલ થયો હતો જે શ્રીનિવાસન અને નાણામંત્રી વચ્ચેની મીટીંગનો હતો. આ વીડિયો તમિલનાડુ ભાજપના એક સભ્ય દ્વારા વાયરલ કરવામાં આવ્યો છે. થોડી જ વારમાં આ વીડિયો ઘણા લોકો દ્વારા શેર થવા લાગ્યો અને તેની ઘણી ટીકા પણ થઈ. આ વીડિયોમાં શ્રીનિવાસન પોતાના નિવેદન માટે માફી માંગતા જોઈ શકાય છે. તેણે કહ્યું, "મેં જે કહ્યું તેના માટે કૃપા કરીને મને માફ કરો, હું કોઈ રાજકીય પક્ષનો નથી." આ વીડિયો વાયરલ થયા બાદ કોંગ્રેસ અને ડીએમકેએ સોશિયલ મીડિયા પર ભાજપની ટીકા કરી છે.
