500 સબ્સ્ક્રાઇબર્સ સાથે પણ YouTubeથી પૈસા કમાઈ શકો છો! આ રીતે રિવ્યૂ થાય છે ચેનલ 

YouTube એ આજે કમાણીનું લોકપ્રિય માધ્યમ છે. YouTube પાર્ટનર પ્રોગ્રામને સ્વીકારીને અને કેટલીક મોનિટાઇઝેશન સુવિધાઓનું ધ્યાન રાખીને 500 સબ્સ્ક્રાઇબર્સ હોવા છતાં પણ વ્યક્તિ ચેનલમાંથી પૈસા કમાઈ શકે છે. ઓછા સબ્સ્ક્રાઇબર્સ સાથે તમે સુપર ચેટ, સ્ટિકર્સ, આભારથી કમાણી શરૂ કરી શકો છો.

તેમજ જાહેરાતની આવક માટે તમારી ચેનલ પર 1000 સબ્સ્ક્રાઇબર્સ હોવા જરૂરી છે. આ સાથે ચેનલ બનાવ્યા પછી કમાણી માટે YouTube ની નીતિને ધ્યાનમાં રાખવી ખૂબ જ મહત્વપૂર્ણ છે. યુટ્યુબથી કમાણી કરવા માટે કંપનીની શરત એ છે કે ચેનલના સર્જકએ ફક્ત તેની મૂળ અને અધિકૃત સામગ્રી રજૂ કરવી જોઈએ. આ સિવાય જો સર્જક બીજે ક્યાંકથી કન્ટેન્ટનો ઉપયોગ કરી રહ્યો હોય તો ચેનલ પર અપલોડ કરતા પહેલા તેને સંપૂર્ણપણે અલગ અને નવું બનાવવું જરૂરી છે.

ડુપ્લિકેટ સામગ્રીમાંથી કોઈ કમાણી નથી

YouTube તરફથી સ્પષ્ટપણે કહેવામાં આવ્યું છે કે પ્લેટફોર્મ પર ડુપ્લિકેટ અને રિપીટ કન્ટેન્ટ દ્વારા કમાણી શક્ય નહીં બને. ચેનલ નિર્માતાના વીડિયો એવા હોવા જોઈએ કે તે દર્શકોના મનોરંજન અથવા શિક્ષિત કરવાના ઉદ્દેશ્યથી બનાવવામાં આવ્યા હોય. યુટ્યુબ ચેનલ કમાણી કરવા માટે કંપની દ્વારા ચેનલની સમીક્ષા કરવામાં આવે છે.

કમાણી માટે ચેનલની સમીક્ષા કરવામાં આવે છે

આ વિશે માહિતી આપતા યુટ્યુબનું કહેવું છે કે ચેનલના કન્ટેન્ટને કંપનીની પોલિસી પ્રમાણે ચેક કરવામાં આવે છે. કારણ કે કોઈપણ ચેનલના તમામ વીડિયો તપાસવા એ એક મુશ્કેલ કાર્ય છે, તેથી ચેનલના કેટલાક મુખ્ય મુદ્દાઓ સમીક્ષા માટે ધ્યાનમાં રાખવામાં આવે છે-

• રિવ્યૂ માટે તમારી ચેનલની મુખ્ય થીમ તપાસવામાં આવી છે.
• રિવ્યૂ પ્રોસેસમાં ચેનલના સૌથી વધુ જોવાયેલા વીડિયોને ધ્યાનમાં લેવામાં આવે છે.
• આ પ્રક્રિયા માટે ચેનલનો નવીનતમ વીડિયો પણ તપાસવામાં આવે છે.
• ચૅનલ કેન્ટન્ટને લઈને વોચ ટાઇમનો સૌથી મોટો ભાગ તપાસવામાં આવશે.
• વીડિયોનો મેટાડેટા એટલે કે શીર્ષક, થંબનેલ, વર્ણન તપાસવામાં આવશે.
• રિવ્યૂ માટે તમારી ચેનલના About સેક્શન પણ તપાસવામાં આવે છે.
• કંપની રિવ્યૂ પ્રક્રિયા દરમિયાન ચેનલ સંબંધિત કેટલાક અન્ય પરિબળોની પણ તપાસ કરી શકે છે.